Biznes

Qəssabxanalar yaradılıb - ÖZƏL SEKTORA SATILACAQ

Qəssabxanalar yaradılıb - ÖZƏL SEKTORA SATILACAQ | FED.az
15:41 23 Yan 2020

Qida təhlükəsizliyi Agentliyi​nə tabe olan "Qida təhlükəsizliyi institutu" MMC tərəfindən 40 ədəd standartlara uyğun ət kəsimi məntəqələri yaradılıb özəl sektora təhvil veriləcək.

Eləcə də bax: "1 manatlıq dönərlər bizim biznesi vurur, investisiyam - BATA BİLƏR"

FED.az xəbər verir ki, Azərbaycanda dönərxanaların hansı standartlara uyğun olaraq fəaliyyət göstərməsi ilə bağlı sanitariya normativ aktlar qəbul olunacaq.

Bunu  Qida təhlükəsizliyi Agentliyinin sədr müavini Rüfət Rüstəmzadə deyib.

Onun sözlərinə görə, ümumilikdə ət kəsimi ilə bağlı Agentlik özəl sektora dəfələrlə müraciət ünvanlayıb ki, onlar daha fəal olsunlar və bu sahəyə investisiya yatırsınlar.

"Çünki əsas problem məhz ət kəsimi məntəqələrindən qaynaqlanır. Ət kəsimi məntəqələri standartlara uyğun olsa, kəsim standartlara uyğun olsa, laboratoriyadan keçsə artıq digər sahələrdə bu problem olmayacaq. Ona görə biz qərara gəldik ki, Agentliyin nəzdində fəaliyyət göstərən "Qida təhlükəsizliyi institutu" MMC tərəfindən 40 ədəd standartlara uyğun ət kəsimi məntəqələr yaratsın və özəl sektora təhvil versin. Bu ildən artıq bir neçə müəssisə açılacaq",- deyə R. Rüstəmzadə qeyd edib.

 

Digər xəbərlər