Avropa Birliyinin üzvü olan 28 ölkə, 2018-vi ildə cəmi 7 milyard 826 milyon avroluq qəhvə idxal edib.
Avropa Statistika Ofisi (Eurostat) 1 Oktyabr Beynəlxalq Qəhvə Günü münasibətilə qəhvə idxalı statistikasını açıqlayıb.
FED.az xəbər verir ki, Avropa Birliyi (AB) üzvü olan 28 ölkə 2018-ci ildə 3 milyon 73 min tonluq qəhvə idxal edib və bu idxala 7 milyard 826 milyon avro xərclənib.
Eləcə də bax: Azərbaycanlı Əbu-Dabinin ən məşhur qəhvəçisidir - FOTO
Həmin dövrdə Almaniya 1 milyon 99 min ton, İtaliya 587 min ton, Belçika 277 min ton, İspaniya 260 min ton, Fransa 220 min ton və İngiltərə 193 min ton qəhvə idxal edib.
AB ölkələrinə qəhvə ixrac edən ölkələr arasında birinci yerdə Braziliyadır. Braziliya 2018-ci ildə AB ölkələrinə 901 min ton qəhvə ixrac edib. Braziliyanın ardınca 770 min tonla Vyetnam, 228 min tonla Honduras, 173 min tonla Kolumbiya və 161 min tonla Uqanda gəlir.
