Xəbər verildiyi kimi, bu gün prezident İlham Əliyev, Sahibkarlar günü münasibətilə Azərbaycanın tanınmış iş adamlarını təltif edib.
Prezident iş adamlarını təltif etdi - SƏRƏNCAM - TAM SİYAHI
FED.az xəbər verir ki, Azərbaycan Respublikasının iqtisadi inkişafına verdikləri töhfəyə və sahibkarlıq sahəsində səmərəli fəaliyyətlərinə görə təltif edilən sahibkarlar arasında Azərbaycanda uzun müddətdir fəaliyyət göstərən tanınmış iş adamı, «Büyükfırat» şirkətlər qrupunun rəhbəri Hüseyin Büyükfırat da var.
Ölkəmizdə 20 ildən artıqdır ki fəaliyyət göstərən Hüseyin Büyükfırat həm də sıralarında yüzlərlə sahibkar və iş adamını birləşdirən Türkiyə və Azərbaycan İş Adamları və Sənayeçilər İctimai Birliyinin (TUİB) sədridir.
Biznes fəaliyyəti ilə yanaşı, ictimai aktiv fəaliyyətlə də məşğul olan Hüseyin Büyükfırat 2-ci Qarabağ müharibəsi dövründə Azərbaycana fəal dəstəyi ilə yadda qalıb. Eləcə də müharibə başa çatandan sonra onun təşəbbüsü ilə irəli sürülən və TÜİB və tərəfdaşları tərəfindən reallaşdırılan «Tək millət, tək ürək» layihəsi çərçivəsində onlarla şəhid və qazi övladlarının Türkiyə universitetlərində tamamilə pulsuz olaraq təhsili təşkil edilib.
