“PMD Group” MMC daxili bazarda fəaliyyət göstərən tədarükçülərlə daha sıx əməkdaşlıq münasibətlərinin qurulması məqsədilə ənənəvi Satınalmalar Seminarı təşkil edir.
FED.az xəbər verir ki, artıq sayca 4-cü olan bu ilki tədbir 17 dekabr tarixində “JW Marriott Absheron Baku” otelində baş tutacaq. Tədbir, həmçinin, PMD tərəfindən hazırda həyata keçirilən tikinti, təmir-bərpa layihələrinin icrası ilə bağlı məlumat vermək və tərəfdaşları bir araya gətirmək məqsədi daşıyır.
Tədarükçülər tərəfindən tədbirə marağın çox olduğunu və yer məhdudiyyətini, eləcə də, pandemiya şəraitini nəzərə alaraq tədbirdə hər şirkətdən 1 nəfər səlahiyyətli nümayəndənin iştirakı nəzərdə tutulur. Sözügedən tədbirdə iştirak etmək üçün 8 dekabr tarixinədək aşağıdakı link vasitəsilə qeydiyyatdan keçmək mümkündür. İlk növbədə daha tez qeydiyyatdan keçmiş şirkətlər tədbirdə iştirak şansı qazanacaq, bununla bağlı həmin şirkətlərə xüsusi dəvətnamə göndəriləcək və sözügedən tədbirdə iştirak yalnız dəvətnamə ilə mümkün olacaq.
Qeydiyyat linki: https://forms.gle/rdy4DfQkeMPFta8k7
