Banner

Biznes

Özlərinin xəbəri olmadan adlarına şirkətlər qurulub - LƏNKƏRANDA AĞLASIĞMAZ HADİSƏ - VİDEO

Özlərinin xəbəri olmadan adlarına şirkətlər qurulub - LƏNKƏRANDA AĞLASIĞMAZ HADİSƏ - VİDEO | FED.az
21:04 6 Dek 2019

Lənkəranda ağlasığmaz hadisə qeydə alınıb. Bir nəfər vətəndaşların etibarından sui-istifadə edərək onların adlarına MMC-lər və tikinti şirkətləri qeydiyyata alıb.

Eləcə də bax: “Əməkhaqqı aldığınız gün - ALIŞ-VERİŞ ETMƏYİN" - MÜSAHİBƏ

FED.az xəbər verir ki, insanların özlərinin də xəbəri olmadan adlarına şirkətlər qurulub, vergi orqanlarında küllü miqdarda borc yığılıb. Hətta bir nəfərin adına göydələn inşa edən tikinti şirkəti də qeydiyyata alınıb. Aldananların arasında adında 1 milyon borc olan şəxs də var.

Ağlasığmaz dələduzluq faktı Lənkəran şəhər sakinlərinin başına gəlib. "Xəzər Xəbər"ə danışan zərərçəkmişlərin iddialarına görə, bir neçə nəfər aldatma yolu ilə onlardan etibarnamə alıb. Sonra isə adlarına bir neçə şirkət açılıb. Zərərçəkmişlər isə bundan xeyli gec xəbər tutublar.

Hər şey də elə bundan sonra başlayıb. Aldadılan şəxslər Bakıya dəvət edilib və plan həyata keçirilib. Şəxslərin adına etibarnamə alınıb və adlarına şirkətlər açılmağa başlanıb.

Zərərçəkmişlər deyirlər ki, onları aldadan şəxslərdən birinin adı İlkin, digəri isə Samir olub. 30-dan çox adam dələduzluqdan əziyyət çəkib.

Faktla bağlı polisə də məlumat verilib. Zərərçəkmiş şəxslər hüquq-mühafizə orqanlarından bu məsələdə onlara kömək etmələrini istəyirlər.

Digər xəbərlər

Banner