2018-ci il ərzində Azərbaycanda 12504 yeni müəssisə və təşkilat yaradılıb. İl ərzində ləğv edilmiş müəssisə və təşkilatların sayı isə 627 olub.
FED.az Dövlət Statistika Komitəsinin aylıq hesabatına istinadən xəbər verir ki, 01.01.2019-cu il vəziyyətinə müəssisə və təşkilatların sayı 130323 olub.
2018-ci il ərzində ləğv edilmiş müəssisə və təşkilatların 24,7 faizi “Ticarət; nəqliyyat vasitələrinin təmiri”, 15,3 faizi “Digər sahələrdə xidmətlərin göstərilməsi”, 10,0 faizi “Peşə, elmi və texniki fəaliyyət”, 6,4 faizi “Tikinti”, 6,2 faizi “Emal sənayesi” və 5,4 faizi “Kənd təsərrüfatı, meşə təsərrüfatı və balıqçılıq” sahələrinin, qalanları isə digər bölmələrin payına düşür.
Bu dövrdə yeni yaradılmış müəssisə və təşkilatların 31,4 faizi “Digər sahələrdə xidmətlərin göstərilməsi”, 26,9 faizi “Ticarət; nəqliyyat vasitələrinin təmiri”, 6,9 faizi “İnzibati və yardımçı xidmətlərin göstərilməsi”, 6,7 faizi “Tikinti”, 5,7 faizi “Peşə, elmi və texniki fəaliyyət”, 4,5 faizi “Emal sənayesi” sahələrinin, qalanları isə digər bölmələrin payına düşür.
