​Sumqayıt şəhərində şahmat məsələlərinin həlli üzrə 42-ci Azərbaycan çempionatı keçirilib.

FED.az xəbər verir ki, çempionat Beynəlxaq Şahmat Bəstəçiliyi Federasiyası Dünya kubokunun bir mərhələsidir.

Sumqayıt Şahmat Məktəbində baş tutan çempionatın dəstəkçiləri sırasında yaxın və qənaətli qonşu konsepsiyası Azərbaycanın dörd bir yanında fəaliyyət göstərən “OBA” marketlər şəbəkəsi də yer alıb.

Qələbə uğrunda​ 33​ ​şahmatçı mübarizəyə qatılıb. ​Qaliblərə kubok, pul mükafatları, medallar, fəxri fərmanlar və “OBA”​ marketlər şəbəkəsinin hədiyyələri təqdim olunub.

Tədbirin su təminatını öz üzərinə götürən Veysəloğlu Şirkətlər Qrupuna, “OBA" marketlər şəbəkəsinə və "Saf bulaq" su markasına xüsusi təşəkkür edilib.

Həlletmə komandası 2-9 sentyabrda Gürcüstanın Batumi​ şəhərində ​ keçiriləcək dünya çempionatında ölkəmizi təmsil edəcək.

Xatırladaq ki, şahmat həlletməsi üzrə milli komandamız 2014-cü ildə İsveçrədə dünya çempionatında və 2016-cı ildə Yunanıstanda ​ Avropa çempionatında gümüş medal qazanıb.
​