Biznes

Məşhur mağaza ittiham edilir, mağaza - RƏQİBİNDƏN ŞÜBHƏLƏNİR

Məşhur mağaza ittiham edilir, mağaza - RƏQİBİNDƏN ŞÜBHƏLƏNİR | FED.az
14:43 26 Sen 2019

Bakının mərkəzində yerləşən "Royal" musiqi alətləri mağazası dələduzluqda ittiham edilir.

FED.az-ın məlumatına görə, "Facebook" istifadəçisi olan şikayətçi mağazada satıcıların müştəriləri aldatdıqlarını bildirir: “Mənə məşhur, orijinal Almaniya istehsalı kimi təqdim etdikləri "Johannes Sailer" pianosu tər-təmiz Çin məhsulu imiş. Eyni zamanda, həqiqətən, Almaniyanın məşhur "Sailer" brendinin markasının adından istifadə edirmişlər. ABŞ istehsalı dedikləri "Kohler and Campbell" pianosu, Koreya mənşəli "Samick" firmasının İndoneziya zavodlarından çıxmış məhsuldur. "Ritmüller" və "Kayserburg" da Çin istehsalı imiş. Məsələ Çin və ya başqa ölkələrin mallarına yuxarıdan aşağı baxmağımda deyil. Ancaq bu mağaza açıq-aşkar Çin malına Almaniya, ABŞ məhsulu adı qoyur. Pianino 200-300 manatlıq bir şey deyil, 5-15 min, hətta 30 min manatlıq məbləğdən söhbət gedir”.

Eləcə də bax: «Mağazaların 50%-i malları başqa ölkədən gətirib türk malı adı ilə satırlar» - MÜSAHİBƏ

Məsələ ilə bağlı mağazadan "Report"a bildirilib ki, hazırda pianino bazarında böyük rəqabət var: “Mən əmin edirəm ki, bu, rəqib mağazanın sifarişli şikayətidir. Şikayəti olan şəxs birinci mağazaya yaxınlaşıb narazlığını bildirərdi. Biz də ona sənədi-sübutu təqdim edərdik. Son bir ildə və ondan əvvəl bizə belə mövzuda şikayət edən olmayıb. Əminliklə deyirəm ki, bu, qərəzli bir şikayətdir”. 

Report

Digər xəbərlər