Dünya şöhrətli «Marriott International» hotellər şəbəkəsinin baş direktoru və prezidenti Arne Sorenson 63 yaşında vəfat edib.
FED.az-ın məlumatına görə, şirkətdən bildirilib ki, Sorenson fevralın 15-də qəflətən vəfat edib.
Bununla yanaşı, «Marriott International»dan bildirilib ki, həkimlər hələ 2019-cu ildə şəbəkənin rəhbərində mədəaltı vəzisi xərçəngi aşkar ediblər. Mürəkkəb müalicə səbəbindən şirkət rəhbəri bu ilin əvvəlindən iş qrafikini qısaltmağı qərara almışdı.
Şirkətdən o da bildirilib ki, «Marriott International»ın yeni baş direktoru postuna namizədlərlə bağlı qərar yaxın 2 həftədə veriləcək.
