“Facebook” şirkəti öz platformasında və Instagram-da kriptovalyuta, ICO və binar opsionları ilə bağlı istənilən məhsulun reklamına qadağa qoydu. “Qadağan olunmuş maliyyə məhsulları və servisləri” bölməsi Facebook-un qaydalarına əlavə olunub.
Qaydalarda qeyd olunur ki, kriptovalyuta, ICO və binar opsionlar çox zaman yanlış fikir və yalan reklam praktikası kimi qəbul olunur. Şirkətin bildirdiyinə görə bu qadağa bilərəkdən genişləndirilib. Belə ki, şirkət problemli reklamların aşkar edilməsinin daha effektiv yollarını axtarır. Sosial şəbəkə həmçinin istisna etmir ki, yenidən bu qaydalara nəzər yetirə və onları aradan qaldıra bilər. Lakin bunun nə zaman ola biləcəyi bilinmir. “Biz istəyirik ki, insanlar dələduzluq və aldadılmaq qarşısında qorxu olmadan yeni məhsullar haqqında Facebook vasitəsilə öyrənsinlər. Bununla belə kriptovalyutaları, ICO-nu və binar opsionlarını reklam edən və heç də yaxşı olmayan şirkətlər var” – deyə şirkət bildirib.
“Facebook” Bitcoinin reklamına QADAĞA QOYDU
11:44
31 Yan 2018
