Nobel mükafatlı iqtisadçı Paul Krugman inkişaf edən ölkələrin valyutalarının dəyərdən düşməsinə münasibət bildirib. Bu ölkələrdə böhran qoxusunun yarandığını qeyd edən iqtisadçı,Twitter-də Dollar/TL qrafikini paylaşaraq "Türk Lirəsi sərt şəkildə düşür" yazıb.
FED.az xəbər verir ki, Krugman, "Argentina da faizin kəskin artırılmasına baxmayaraq yaxşı görünmür. Proseslərin arxasında isə inkişaf edən ölkələrdə son 10 ildə artan özəl sektor borcu var. Bunların çoxu da xarici valyutadadır, xüsusən dollardadır", yazıb.
Krugman davam edərək qeyd edib: "Buna görə də ən azından 1997-98 böhranı göz önünə gəlir: İnkişaf edən ölkələrin pul vahidləri düşər, özəl sektorun borcluluğu partlayır, bu iqtisadiyyatda stress yaradır, pul vahidlərinin daha da düşməsinə səbəb olur. Bu gün Türkiyədə böyük cari kəsir davam etsə də, borc rəqəmləri o zamankı qədər böyük görünmür. Digər tərəfdən, dünya Avropadakı sıfır ABŞ-dakı aşağı faiz siyasətinə pis hazırlaşaraq cavab verir. Bəs növbəti qlobal böhranın başlanğıcındayıq? Yəqin ki, xeyr. Üfüqdə bir böhran olduğuna dair işarə olmadığını söyləmişdim, ancaq bunu artıq demirəm".
