Banner

Biznes

Koronavirusun ən çox "vurduğu" sahələr açıqlandı - TƏKLİFLƏR HAZIRLANIR 

Koronavirusun ən çox "vurduğu" sahələr açıqlandı - TƏKLİFLƏR HAZIRLANIR  | FED.az
11:00 19 Mart 2020

Koronavirusdan ən çox zərər çəkən sahibkarlar logistika və turizm sektoru ilə məşğul olanlardır.

Bunu FED.az-a Azərbaycan Sahibkarlar Konfederasiyasının (ASK) mətbuat xidmətinin rəhbəri İlhamə Abdullayeva deyib.

Eləcə də bax: «Mağazalarda 1 həftədir satış «sıfırdır», gömrükdən güzəşt istəyirik» - İŞ ADAMI

Qurum sözçüsü bildirib ki, koronavirusun yayılması ilə əlaqədar dövlətin atdığı addımlardan sonra Konfederasiya da öz növbəsində tədbirlərə başlayıb:

“Sahibkarlar Konfederasiyasının 6 minə yaxın üzvü var. Araşdırma apardığımız sahələr arasında ən çox zərər çəkən sahibkarlar logistika və turizm sektoru ilə məşğul olanlardır. Logistika ilə bağlı çətinlik əsasən idxal əməliyyatlarındadır. Bir neçə gündür Rusiya ilə Azərbaycan sərhəddində yoxlamalar ciddiləşib və bu da yüklərin sərhəddən keçməsi vaxtının uzanmasına səbəb olub. Əvvəllər yüklər Rusiya sərhəddindən ölkə ərazisinə 3-4 gün ərzində daxil olurdusa, hazırda bu müddət 8-10 günə qədər uzanıb. Biz bu yoxlamaların tərəfdarıyıq. Məlumdur ki, Rusiyadan Azərbaycana daxil olan məhsulların arasında əsasən ərzaq məhulları üstünlük təşkil edir. Qida təhlükəsizliyi bir nömrəli məsələdir. Çünki xalqımızın təhlükəsizliyində qidanın payı xüsusidir".

Eləcə də bax: “Turizm və xidmət sahəsində sahibkarlar ciddi problemlə üzləşiblər”

Virusun təsir etdiyi digər sahə xaricə turist axını olub: "Xüsusən Azərbaycana xaricdən səfərlərlə bağlı əksər rezervasiyalar ləğv olunub. Bu dövrdə Azərbyacana İrandan, ərəb ölkələrindən turist axını güclü olurdu. Koronvirusla bağlı sərhədlərin bağlanması və təyyarə reslərinin təxirə salınması ilə əlaqədər bu sektorda sahibkarlara ciddi ziyan dəyib".
Картинки по запросу "koronavirus biznes"

İlhamə Abdullayeva dövlət sifarişi ilə işləyən tikinti şirkətlərinin də işlərində fasilələr yarandığını diqqətə çatdırıb:

“Artıq şirkətlər bunu öz işlərində hiss etməyə başlayıblar". 
Eyni zamanda Avropaya və Çinə məhsul ixrac edən Azərbaycan şirkətlərinin müəyyən çətinlikləri var: 
"Bunların arasında şərabçılıq sektorunu qeyd etmək olar. Azərbaycanda bir neçə şirkət var ki, onlar Çinə, Almaniyaya və Fransaya şərab ixrac edirdilər. Məlumdur ki, aviareyslər dayanıb, yükdaşımalarda ləngimələr var, bu da ixrac prosesində çətinliklər yaradır".
Virusun təsir etdiyi sahələr arasında pul köçürmələri də var: 
"Konfederasiyasının üzvləri arasında bir şirkət Çinlə olan pulköçürmələrində çətinlik çəkir. Bu şirkətə Çindən pul köçürməsi olmalı idi. Hazırda bu əməliyyatı reallaşdırmaq bir az çətinləşib".
Картинки по запросу "koronavirus biznes"

İ.Abdullayeva qida emalı, ölkədaxili istehsal prosesində ciddi tənəzzülün olmadığını bildirir:

“Bütün işlər davam edir, istehsal prosesi dayanmayıb. Əhalinin ərzaqla təminatında idxalla məşğul olan şirkətlərin işində heç bir ləngimə yoxdur". 
ASK rəsmisi yaranmış vəziyyətlə bağlı təkliflərin hazırlandığını bildirir: "ASK-nın tərkibində 14 sahəvi komissiya fəaliyyət göstərir. Hazırda bu komissiyalar təkliflər üzərində işləyir. Xüsusən də turizm komissiyasının işi aktivləşib. Artıq şirkətlərin dövriyyələri, çəkdikləri ziyan, ləğv olunmuş rezarvasiyalarla bağlı son məlumatlar toplanır. Hesab edirəm ki, yaxın günlərdə təkliflərimiz hökumətə təqdim ediləcək".

Digər xəbərlər

Banner