Banner

Biznes

KOBİA güzəştli kreditlərlə bağlı onlayn maarifləndirmə - TƏDBİRLƏRİNƏ BAŞLAYIB

KOBİA güzəştli kreditlərlə bağlı onlayn maarifləndirmə - TƏDBİRLƏRİNƏ BAŞLAYIB | FED.az
11:21 8 İyul 2020

Kiçik və Orta Biznesin İnkişafı Agentliyi (KOBİA) sahibkarlığın güzəştli kreditləşdirilməsinin yeni mexanizmləri ilə bağlı onlayn maarifləndirmə tədbirlərinə başlayıb.

Eləcə də bax: KOBİA sahibkarlara müraciət etdi

FED.az xəbər verir ki, KOBİA-dan bildirilib ki, iqtisadiyyatın müxtəlif sahələrində fəaliyyət göstərən KOB subyeklərinin və bankların iştirakı ilə təşkil olunmuş tədbirdə agentliyin və Sahibkarlığın İnkişafı Fondunun nümayəndələri güzəştli kreditləşdirmənin yeni mexanizmləri, yeni biznes kreditlərinə dövlət zəmanətinin verilməsi və kredit faizlərinin bir hissəsinin subsidiyalaşdırılması, eləcə də bu dəstəkdən yararlanmaq üçün yaradılmış Elektron Kredit Platforması (www.e-edf.gov.az) barədə ətraflı məlumat verib, sahibkarları maraqlandıran sualları cavablandırıblar.

Qeyd edək ki, sahibkarların məlumatlandırılması üçün onlayn maarifləndirmə tədbirləri mütəmadi təşkil olunacaq. Bununla yanaşı, sahibkarlar güzəştli kreditləşdirmənin yeni mexanizmləri ilə bağlı informasiya, məsləhət və əlaqələndirmə xidmətlərindən istifadə etmək üçün KOBİA-nın ölkənin müxtəlif şəhər və rayonlarında fəaliyyət göstərən KOB dostlarına da müraciət edə bilərlər.

Digər xəbərlər

Banner