“Tesla”nın qurucusu İlon Mask yenidən dünyanın ən zəngin iş adamı oldu.
Eləcə də bax: İlon Mask Çinə sərmayələrini genişləndirməyi - Planlaşdırır
FED.az xəbər verir ki, bazar ertəsi günü onun sərvəti ilk dəfə olaraq 200 mlrd. ABŞ dollarını ötüb.
Fond bazarlarının bağlanışında Maskın sərvəti 203,4 mlrd. dollar təşkil edib. Buna səbəb “Tesla” səhmlərinin dəyərinin artması olub.
Zənginlər siyahısında birinci yeri itirən Cef Bezos “Amazon” səhmlərinin ucuzlaşması nəticəsində ikinci pilləyə enib.
“Lui Vitton” və “Dior”un sahibi olan Bernar Arno da ən zəngin iş adamı adı uğrunda yarışır. (Apa)
