2025-ci ilin yanvar-iyul ayları üzrə hazırlanmış qeyri-dövlət ixracatçı subyektlərin reytinqində ilk onluqda şirkətlərin adları açıqlanıb.
FED.az İqtisadi İslahatların Təhlili və Kommunikasiya Mərkəzi (İİTKM) “İxrac icmalı”nın avqust sayına istinadən xəbər verir ki, ilk onluqda aşağıdakı şirkətlər təmsil olunublar: "PRIME COTTON" MMC, "Azərbaycan İnterneyşnl Mayninq Kompani Limited Şirkəti"nin Azərbaycan Respublikasındakı Nümayəndəliyi, "Export Stream" Məhdud Məsuliyyətli Cəmiyyəti, "Baku Steel Company" QSC, "Azərbaycan Şəkər İstehsalat Birliyi" MMC, "UYTROP" Məhdud Məsuliyyətli Cəmiyyəti, "P-AQRO" MMC, "Sahdag SY" Məhdud Məsuliyyətli Cəmiyyəti, "Avrora" Məhdud Məsuliyyətli Cəmiyyəti, "HOPER" Məhdud Məsuliyyətli Cəmiyyəti.
Qeyri-neft sektoru üzrə ixrac əməliyyatlarında iştirak edən dövlətə məxsus olan şirkətlərin siyahısına ARDNŞ-nin Marketinq və İqtisadi Əməliyyatlar İdarəsi başçılıq edir. Daha sonra bu siyahıda aşağıdakı şirkətlər təmsil olunublar: “SOCAR Polymer” MMC, “AzerGold” QSC ,“Azəralüminium” MMC, Azərbaycan Respublikası Dövlət Neft Şirkətinin Qaz İxrac İdarəsi, “Azərpambıq Aqrar Sənaye Kompleksi" MMC,"SOCAR-DALĞIC" MMC, "Azərbaycan Dəmir Yolları" QSC, Naxçıvan MR Dövlət Energetika Xidməti, "İstisu" mineral su zavodu Məhdud Məsuliyyətli Cəmiyyəti.
2025-ci ilin yanvar-iyul aylarında qeyri-dövlət ixracat subyektləri arasında liderlik "Prime Cotton" MMC-yə məxsusdur. Şirkət bu dövrdə 69.5 milyon ABŞ dolları həcmində ixrac həcmi ilə önə çıxıb. Ötən ilin eyni dövründə 61.4 milyon dollar olan ixracla müqayisədə bu, 8.1 milyon dollar (13.19%) artım deməkdir.
"AIMKL"nin Azərbaycan Respublikasındakı nümayəndəliyi 56 milyon dollarla ikinci yerdə qərarlaşıb ki, bu da ötən illə müqayisədə *42.2 milyon dollarlıq (305.8%) bir artım deməkdir (2024-cü ildə 13.8 milyon dollar). Digər diqqətəlayiq qeyri-dövlət ixracatçıları arasında "Export Stream" MMC 37.2 milyon dollarla üçüncü yerdədir.
Eyni zamanda, "Baku Steel Company" QSC 34.9 milyon dollar ixrac həcmi ilə (2024-cü ildə 31.1 milyon dollar) 3.8 milyon dollar (12.2%) artım göstərib
. "Azərbaycan Şəkər İstehsalat Birliyi" MMC də 30.4 milyon dollar ixracla (2024-cü ildə 20 milyon dollar) 10.4 milyon dollar (52%) əhəmiyyətli artım əldə edib. "UYDROP" MMC-nin 24.2 milyon dollarlıq ixracı bazara yeni daxil olub.
"P-AQRO" MMC 23.2 milyon dollar ixracla (2024-cü ildə 25.6 milyon dollar) 2.4 milyon dollar (9.4%) azalma göstərsə də, hələ də ilk onluqda yer almağı bacarıb.
Sahdag Sy" MMC 21.1 milyon dollar ixracla yeni bir ixracatçı kimi daxil olub.
"Avrora" MMC-nin 20.2 milyon dollar ixrac həcmi ilə (2024-cü ildə 12.4 milyon dollar) 7.8 milyon dollar (62.9%) nəzərəçarpacaq artım qeydə alınıb.
"HOPER" MMC də 19.3 milyon dollar ixracla yeni bir ixracatç kimi siyahıda yer alıb.
Dövlətə məxsus əsas ixracat subyektləri arasında ARDNŞ-nin Marketinq və İqtisadi Əməliyyatlar İdarəsi 244.2 milyon dollarla lider mövqedədir. Ötən ilin eyni dövründəki 231 milyon dollarlıq ixracla müqayisədə bu, 13.2 milyon dollar (5.7%) artım deməkdir.
"SOCAR Polymer" MMC 157.9 milyon dollarla ikinci yerdədir. Ötən ilin eyni dövründə 138.2 milyon dollar olan ixracla müqayisədə 19.7 milyon dollar (14.2%) artım qeydə alınıb.
"AzerGold" QSC 125.1 milyon dollar ixrac həcmi ilə (2024-cü ildə 55.1 milyon dollar) 70 milyon dollar (127%) kimi artım nümayiş etdirib.
"Azəralüminium" MMC 76.7 milyon dollarlıq ixracında (2024-cü ildə 83.8 milyon dollar) 7.1 milyon dollar (8.47%) azalma qeydə alınıb.
Azərbaycan Respublikası Dövlət Neft Şirkətinin Qaz İdarəsi ixracı 37 milyon dollar təşkile dib. Şirkətin ötən il göstəricisi olmayıb.
"Azərpambıq Aqrar Sənaye Kompleksi" MMC-nin ixracı 23.9 milyon dollar təşkil edib ki, bu da illik (2024-cü ildə 35 milyon dollar) 11.1 milyon dollar (31.7%) azalma deməkdir.
"SOCAR-DALĞIÇ" MMC 1.9 milyon dollar ixrac həcmi ilə yeni bir ixracatçıdır.
"Azərbaycan Dəmir Yolları" QSC-nin 1.5 milyon dollar ixracı olub. Ötən il hər hansı göstərici olmayıb.
Naxçıvan MR Dövlət Energetika Xidmətinin 594.4 min dollarlıq ixracında (2024-cü ildə 586.4 min dollar) 8 min dollar (1.4%) cüzi artım baş verib.
"İSTİSU" Mineral Su Zavodu" MMC 562.4 min dollar ixracla yeni bir ixracatçı kimi siyahıya daxil olub.
