2015-2018-ci illərdə əcnəbi vətəndaşlar Gürcüstanda 32 746 sahibkarlıq subyekti təsis edib.
FED.az xəbər verir ki, bu göstərici Gürcüstanın Miqrasiya Məsələləri üzrə Dövlət Komissiyasının 2019-cu il üzrə “Miqrasiya profili” hesabatında əks olunub.
Eləcə də bax: Bu il Azərbaycan şirkətləri Gürcüstanda çoxlu sayda - OBYEKT İNŞA EDİB
Son dörd ildə qonşu ölkədə yaradılan şirkətlərin böyük əksəriyyəti İran (31%), Türkiyə (14%) və Rusiya vətəndaşlarının (7%) payına düşüb.
Hesabat dövründə Gürcüstanda xarici vətəndaşların qurduqları şirkətlərin yalnız 5%-i Azərbaycan vətəndaşlarına məxsus olub. Biznes subyektlərinin 6%-ni Hindistan, 5%-ni Ukrayna, 32%-ni isə digər ölkə vətəndaşları təsis ediblər.
Yalnız 2018-ci ildə qonşu ölkədə yaradılan şirkətlərin 7 439-nun təsisçiləri yalnız əcnəbilər, 1 217-sinin isə ən azı bir təsisçisi xarici ölkə vətəndaşı olub.
Report
