Dünyanın ən zəngin adamı olan Amazon-un qurucusu Cef Bezos gələcəkdə 1 trilyon insanın kosmosda yaşayacağını söyləyib.
Onlayn alış-veriş nəhəngi Amazon-un təsisçisi və İcraçı direktoru olan Cef Bezos, iştirak etdiyi konfransda kosmik şirkəti "Blue Origin"in hədəflərindən bəhs edib və çox danışılacaq açıqlamalar verib.
Bəşəriyyətin artıq Günəş Sisteminə yayılmaq vaxtının çatdığını vurğulayan Bezos, gələcəkdə kosmosda 1 trilyon insanın yaşayacağını bildirib.
Sahibi olduğu kosmik şirkəti "Blue Origin"i "üzərində işlədiyim ən vacib iş" kimi xarakterizə edən Bezos, "Milyonlarla insanın kosmosda yaşadığı və çalışdığı bir gələcək xəyal edirəm. Əlbəttə, mənim bu uzun müddətli hədəfin tamamlandığı günləri görməyim mümkün deyil", ifadələrini istifadə edib.
Planetimizin ən zəngin insanı olan Bezos, kosmos araşdırmalarının önündəki ən böyük maneələrdən birinin yüksək xərclər olduğunu bildirib.
