KPMG-nin "Global Industrial Manufacturing Indusights" araşdırması dərc olunub.
Rusiyalı oliqarxlar 93 milyard dollara yaxın - VƏSAİT İTİRİBLƏR
FED.az xəbər verir ki, araşdırmaya görə, istehsal sektorundakı 10 Baş direktordan (CEO) 8-i işçilərin sayını artırmağı planlaşdırır.
KPMG International CEO-ların prioritetlərini müəyyən etmək üçün iri istehsal şirkətləri üzrə 146 CEO-nun iştirakı ilə sorğu keçirib.
Sorğuya əsasən, CEO-ların 68 faizi qlobal bağlanma halında öz təchizat zəncirlərinin dəyişikliklərdən və/və ya çətinliklərdən sağ qalmasını təmin etməyin onların birinci prioriteti olduğunu bildirib.
CEO-lardan böyümə hədəflərinə nail olmaq üçün vacib əməliyyat prioritetlərinin nə olduğu soruşulduqda, cavab 24 faizlə “Fəaliyyət göstərdiyimiz bütün sahələrdə rəqəmsallaşma və kommunikasiyanın təkmilləşdirilməsi/artırılması” olub.
Tədqiqata görə, qlobal pandemiya, iqlim dəyişikliyi və geosiyasi inkişaflar sənayeni əvvəlkindən daha çox diqqəti iki istiqamətli transformasiyaya yönəltməyə məcbur edib: ağıllı rəqəmsallaşma və ESG (ekoloji, sosial və idarəetmə).
55%-i texnologiyaya sərmayə yatırmağı planlaşdırır
Araşdırmaya görə, sektordakı CEO-ların 84%-i qarşıdakı 3 ildə işçilərin sayını artırmağı planlaşdırdıqlarını açıqlayıb. Respondentlərin 45 faizi artım hədəflərinə çatmaq üçün işçi qüvvəsinin bacarıqlarının artırılmasına sərmayə yatırdıqlarını, daha böyük bir hissəsi (55 faiz) isə yeni texnologiyalara sərmayə qoyduqlarını bildirib. CEO-lar "Hibrid işin getdikcə daha çox yayıldığı bir mühitdə işçiləri məşğul, motivasiyalı və məhsuldar saxlamaq üçün ən vacib amillər hansılardır?"sualına, 38 faizlə “Rəqəmsal təhsilə investisiya etmək, işçilərin bacarıqlarının gələcəyə yönəlməsini təmin etmək üçün yeni bacarıqların inkişafı və öyrənilməsi” cavabı olub. (Marja)
