Dövlət Əmək Müfəttişliyi Xidməti "Güvən SS” Məhdud Məsuliyyətli Cəmiyyəti barədə inzibati protokol tərtib edib.
FED.az xəbər verir ki, Binəqədi Rayon Məhkəməsi bu protokola əsasən, şirkəti İnzibati Xətalar Məcəlləsinin 192.1-ci (Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxsləri hər hansı işlərin (xidmətlərin) yerinə yetirilməsinə cəlb edilməsinə görə) təqsirli bilərək, cərimə edilməsi barədə qərar çıxarıb.
Eləcə də bax: "Mərkəz Təchizat” MMC 228 min dollar - CƏRİMƏLƏNİB
Bu inzibati xətaya görə, hüquqi şəxslər iyirmi min manatdan iyirmi beş min manatadək məbləğdə cərimə edilir.
Binəqədi Rayon Məhkəməsinin 22 avqust 2019-cu il tarixli qərarından “Güvən SS” Məhdud Məsuliyyətli Cəmiyyətinin direktoru Məmmədov Paşa Etibar oğlu tərəfindən verilmiş apellyasiya şikayətinə Bakı Apellyasiya Məhkəməsində baxılıb.
Hakim Habil Məmmədovun sədrlik etdiyi prosesdə şikayətin təmin edilməməsi barədə qərar çıxarılıb.
Report
