Azərbaycanın aparıcı ticarət şəbəkələrindən olan «Bravo» marketlərin şəbəkəsinin sahibi «Azərbaycan Supermarket» şirkətinin məliyyə vəziyyəti məlum olub.
FED.amz xəbər verir ki, şirkət 2021-ci ilin sonuna olan maliyyə hesabatını açıqlayıb.
Hesabata əsasən 2021-ci ildə «Bravo»nun satışdan gəlirləri 572,7 milyon manat, satışın maya dəyəri 464,8 milyon manat olub. Satış marjası 107,9 milyon manat təşkil edib.
Başqa sözlə, 2021-ci ildə «Bravo»nun satış həcmi 11,6% artıb.
Ötən illə müqayüisədə şirkətin həm satış həcmi həm də satışın maya dəyəri xərci artıb. Ötən il şirkətin satış həcmi 512,9 milyon manat, satışın maya dəyəri 422,5 milyon manat, satış marjası 90,4 milyon manat olub.
Ötən il «Bravo»nun sahibinin satış, inzibati və ümumi xərcləri 130,4 milyon manat təşkil edib. Ötən illə müqayisədə bu göstərici 20 milyon manat və ya 19,5% artıb.
Nəticədə «Azərbaycan Supermarket» 2021-ci ili 23,5 milyon manat əməliyyat zərəri ilə başa vurub. Əvvəlki illə müqayisədə şirkətin əməliyyat zərəri 7 milyon manat artıb, xatırladaq ki, 2020-də «Bravo»nun idarəçisinin əməliyyat zərəri 18,6 milyon manat olmuşdu.
Bundan əlavə şirətin daha 41,5 milyon manat maliyyə zərəri də yığılıb. Xatırladaq ki, 2020-ci ildə bu göstərici 28,3 milyon manat idi.
Nəticədə «Azərbaycan Supermarket» 2021-ci ili 65 milyon manat zərərlə başa vurub. 2020-ci ildə müqayisədə şirkətin zərəri 2021-ci ildə 18 milyon manat artıb – 2020-də zərər 47 milyon manat idi.
Əvəzində 2021-ci ildə «Bravo»nun sahibinin aktivləri sürətli şəkildə artıb – şirkət ili 533,6 milyon manat aktivlə başa vurub – bu 2020-ci illə müqayisədə təqribən 67,7 milyon manat və ya 14,5% artıqdır.
Aktivlərin artımını hərəkətverici qüvvəsi daşınmaz əmlak və avadanlıqdar olub – hesabatdan aydın olur ki, 2021-ci il ərzində «Bravo»nun əmlak, torpaq və avadanlıqları 44 milyon manat artaraq 186 milyon manatdan 230 milyon manata yüksəlib, istifadə hüququ olan aktivlərin həcmi isə 110 milyon manatdan 143 milyon manata qalxıb.
«Bravo»nun öhdəlikləri də kəskin artıb. 2020-ci ilin sonunda 304 milyon manat olan öhdəliklər təqribən 90 milyon manat artaraq 394 milyon manata yüksəlib. Şirkətin öz səhmdarlarına 229 milyon manat borcu var. İcarə üzrə öhdəliklər isə 147 milyon manata yüksəlib.
Şirkətin nizamnamə kapitalı cəmi 2 min maati təşkil edir, əvəzində 202,9 milyon manatlıq ehtiyatları var. Hərçənd indiyədək 1ığılmış 179 milyon manat zərər nəticəsində şirkətin cəmi kapitalı 23,8 milyon manat təşkil edir. Qeyd edək ki, ötən il şirkətin cəmi kapitalı 86 milyon manatdan artıq idi.
