Böyük Britaniyanın aparıcı brendi olan “The Entertainer” Bakıda beşinci mağazasını təqdim etməklə paytaxt sakinlərini sevindirdi.

FED.az xəbər verir ki, noyabrın 13-də paytaxt Bakıda Böyük Britaniyanın dünyaca məşhur oyuncaq brendi olan “The Entertainer”in növbəti mağazasının təntənəli açılış mərasimi keçirildi. Ümumi sahəsi 500 kv. m-dən çox olan mağaza M. Füzuli /A. Topçubaşov küç. 300/303 ünvanında, “Courtyard by Mariott Baku” otelinin binasında yerləşir.

Mağazanın interyeri ticarət məkanının mükəmməl təşkilinin bariz nümunəsidir. Mağaza tərtibatının kreativ konsepsiyası tam olaraq Böyük Britaniyanın “The Entertainer” brendinin komandası tərəfindən işlənib hazırlanmış və təqdim edilmişdir.

Mağazanın açılışında iştirak edən uşaqlar ənənəvi qırmızı lenti kəsdilər. Açılış günü şirkət nümayəndələri valideynləri və uşaqları maraqlı şou-proqram və şirin furşetlə sevindirdilər. Uşaqlar üçün təşkil edilmiş əyləncəli proqramda tanınmış personajlar — kloun Jack, Mr White və DJ iştirak etdilər.

Tədbirdə həm sakinlər, həm də paytaxtın qonaqları iştirak etdilər.

“The Entertainer” uşaqlara yanaşması ilə və işçi heyətinin əsaslı surətdə seçilməsi ilə təkcə Böyük Britaniyanın deyil , həm də Azərbaycan uşaqlarının ən sevimli mağazasına çevrilməyə bacardı. Azərbaycanda brendimizi artıq çoxları sevib, çünki mağazalarda istənilən yaş üçün — 0 yaşdan 15 yaşadək keyfiyyətli və lisenziyalı uşaq məhsullarının böyük seçimi təqdim edilib.

“The Entertainer” körpələr, oğlan və qızlar üçün oyuncaqlar, eləcə də məktəblilər və yeniyetmələrin inkişafı üçün məhsullar təklif edən, sərt keyfiyyət nəzarətindən keçmiş tanınmış markalarla əməkdaşlıq edir",  —  deyə şirkətin Baş meneceri Nigar Tağıyeva bildirib.

Qeyd edək ki, Britaniya brendi 2014-cü ildən Azərbaycanda uğurla inkişaf edir. “The Entertainer”in ilk mağazası 2014-cü ildə Port Baku Mall ticarət mərkəzində açılmışdır.

Xatırladaq ki, yeni “The Entertainer” mağazası brendin Bakıda sayca 5-ci mağazasıdır. Digər mağazalar paytaxtın bütün məşhur ticarət mərkəzlərində  —  Ganjlik Mall, Dəniz Mall, Port Baku Mall və 28 Mall-da təmsil olunur.

Həmçinin, qeyd etmək lazımdır ki, bu gün alış-verişi filial şəbəkəsinə daxil olmadan onlayn mağaza vasitəsilə həyata keçirmək olar www.theentertainer.az   

Yeniliklər, cari kampaniyalar və endirimlər haqqında ətraflı məlumatı şirkətin rəsmi Instagram səhifəsində linkə keçid edərək https://www.instagram.com/theentertainer_az/  əldə edə bilərsiniz.