19 may 2025-ci il saat 12.00-da “Bakışəhərtikintimexanikləşdirmə” ASC səhmdarlarının növbəti illik ümumi yığıncağı keçiriləcəkdir.
FED.az xəbər verir ki, yığıncaq Bakı şəhəri, Nizami rayonu, Abdulla Mirzəyev küçəsi 18 nömrəli ünvanda baş tutacaq.
Ümumi yığıncagın gündəliyinə aşağıdakı məsələlər daxildir:
1. 2024-cü ilin maliyyə hesabatının təsdiq edilməsi.
2. Cəmiyyətin ləğv edilməsi.
3. Ləğvetmə komissiyasının yaradılması.
4. Ləğvetmə komissiyasının səlahiyyətlərinin müəyyənləşdirilməsi.
5. Cəmiyyətin müşahidə şurasının və icra orqanının səlahiyyətlərinə xitam verilməsi.
6. Xüsusi əhəmiyyətli əqdin bağlanılması barədə qərarın qəbul edilməsi.
7. Digər məsələlər.
Səhmdarlar gündəlikdəki məsələlərə aid sənədlərlə tanış olmaq üçün həftənin iş günləri saat 10.00-dan17.00-dək 050-316-99-98 nömrəli telefonla əlaqə saxlaya bilərlər.
Şirkətdən FED.az-a isə bildiriblər ki, ləğv olunma səbəbini maliyyə çətinlikləri ilə əlaqələndirdilər. Qeyd etdilər ki, mövcud çətinliklərə görə şirkətin işçi qüvvəsini saxlamaq çətinləşib. Həmçinin qeyd edilib ki. bu şirkət 10 ilə yaxındır ki, fəaliyyət göstərmir. Buna görə də saxlanılması mənasızdır. Bununla yanaşı, şirkətə məxsus əmlakın olmadığı, bazasında hər hansı şirkətin yaradılmayacağı da əlavə olunub.
