FED.az xəbər verir ki, “Türkdilli Dövlətlərin PR (ictimaiyyətlə əlaqələr) Mütəxəssislərinin Birinci Bakı Forumu”- u Azərbaycan İctimaiyyətlə Əlaqələr Mütəxəssisləri Assosiasiyasının (APRA) təşəbbüsü və “Baku School of PR” və “Alibayov Communication & Consulting” şirkətlərinin təşkilatçılığı ilə baş tutacaq.
“Bakı PR Forum 2019”da 6 türkdilli ölkənin ( Azərbaycan, Türkiyə, Qazaxstan, Özbəkistan, Qırğızıstan, Türkmənistan) dövlət və özəl sektorlarda çalışan PR mütəxəssisləri iştirak edəcək.
Forumda 20-dən çox spiker iştirak edəcək və 15-dən çox sponsor olacaq.
Forumda iştirak edəcək spikerlər:
| Spikerlər | Vəzifələri |
| İlham Məmmədov | Baku School of PR, Direktor |
| Erkan Özoral | Türkiyə Respublikasının Azərbaycan Respublikasındakı Fövqəladə Və Səlahiyyətli Səfiri |
| Svetlana Stavreva | Beynəlxalq İctimaiyyətlə Əlaqələr Assosiasiyasının Prezidenti |
| Gulnura Taralieva | Bishkek School Of PR, Direktor |
| Afət Yaqubova | Labortoriya PR Agency, Direktor |
| Kamran Əliyev | Beynəlxalq Sertifikatlı, Ali Dərəcəli PR Mütəxəssisi |
| Gönçə Karakaş | Türkiyə İctimaiyyətlə Əlaqələr Assosiasiyasının Prezidenti, Effect Burson Marsteller -In CEO-Su |
| İlham Əfəndiyev | Biznes Məsləhətçi (Afandi Consultancy) |
| Ceyda Aydede | PR Mütəxəssisi, IPRA-Nın Keçmiş Prezidenti |
| Vəli Əlibəyov | "Alibayov Kommunikasiya & Konsaltinq" MMC-Nin Direktoru, Avropa Ekspert Şurasının (Ieerp.Org) Üzvü |
| Şerzod Kudratxodjayev | Beynəlxalq Press Klub, Sədr (Özbəkistan) |
| Asif Usubaliyev | Mədəniyyətşünaslıq Üzrə Elmi-Metodiki Mərkəzin Direktoru |
| Tariel Cəlallı | Action Global Communications, Qazaxstan Ofisinin Rəhbəri |
| Emin Vəliyev | Keepface -In Həmtəsisçisi |
Xatırladaq ki, “Bakı PR Forum 2019” türkdilli dövlətlərin inteqrasiyasına yönəlmiş fəaliyyətinə dəstək olan, bu dövlətlərin PR mütəxəssislərini ilk dəfə olaraq bir araya yığan və onların əməkdaşlığı üçün platforma və şəbəkə yaratmaq, əməkdaşlıq yolları barədə müzakirələr aparmaq, müasir demokratik cəmiyyətlərin mühüm idarəetmə elementlərindən biri olan PR-ın bu ölkələrdə inkişafına yardım etmək və s. bu kimi məqsədlər üçün təşkil olunan beynəlxalq konqresdir.
Formun proqramı ilə buradan tanış ola bilərsiniz.
