Ölkənin ən böyük supermarketlər şəbəkəsi olan «Araz» bu gün və sabah iki yeni mağazasını açır.
Şirkətdən FED.az-a verilən məlumata görə, bu gün, oktyabrın 30-dan etibarən «Araz» supermarketlər şəbəkəsinin Xırdalan şəhərində mini market tipli yeni mağazası fəaliyyətə başlayır. Bu, Xırdalan şəhəri üzrə sayca 3-cü mağazadır. Şirkətdən bildirilib ki, açılışla əlaqədar olaraq xüsusi endirim və hədiyyə kampaniyası keçiriləcək.
Oktyabrın 31- dən isə Bakının Nəsimi rayonu, Dilarə Əliyeva küçəsi 253 ünvanında (köhnə Çay Fabrikinin yanında) «SPAR Ekspress» mağazası fəaliyyətə başlayacaq. Açılışla əlaqədar olaraq xüsusi endirim və hədiyyə kampaniyası keçiriləcək.
Hər iki mağazada endirim və hədiyyə kampaniyası 5 noyabr tarixinədək qüvvədə olacaq.
