Pakistan iş adamlarından ibarət nümayəndə heyətinin ölkəmizə səfəri çərçivəsində dekabrın 5-də Bakıda Azərbaycan-Pakistan biznes forumu baş tutacaq.

Azərbaycanda İxracın və İnvestisiyaların Təşviqi Fondundan ("Azpromo") verilən məlumata görə, biznes forum İqtisadiyyat Nazirliyinin dəstəyi və "Azpromo"-nun təşkilatçılığı ilə keçiriləcək. Biznes forumda qida sənayesi, tekstil, tikinti, quşçuluq, əczaçılıq, idman malları, cərrahi alətlər, mədən sənayesi, polad istehsalı, kosmetika, geyim, kimyəvi məhsullar, logistika, müxtəlif aksesuarlar, qiymətli daşların istehsalı və digər sahələrdə fəaliyyət göstərən Pakistan şirkətlərinin iştirakı gözlənilir.