Biznes

Bakıda Azərbaycan-Gürcüstan - BİZNES FORUMU KEÇİRİLƏCƏK

Bakıda Azərbaycan-Gürcüstan - BİZNES FORUMU KEÇİRİLƏCƏK | FED.az
12:27 5 Mart 2020

Gələn ilin aprel ayında Bakıda Azərbaycan-Gürcüstanın iş adamlarının iştirakı ilə biznes forum təşkil olunacaq.

FED.az xəbər verir ki, bu barədə Avropa İttifaqı - Gürcstan Biznes Şurasının baş katibi Zviad Çumburidze Tbilisidə keçirilən Azərbaycan-Gürcüstan biznes forumunda bildirib.

Onun sözlərinə görə, iki ölkə arasında iqtisadi əlaqələrin inkişaf yolu güclü əməkdaşlıqdan keçir: “Özəl sektora bu əlaqələrin gücləndirilməsi üçün dəstək tələb olunur”.

O qeyd edib ki, Gürcüstan və Azərbaycanın birgə təşkilatçılığı ilə Avropa İttifaqı ölkələrinin paytaxtlarında hər iki ölkənin investisiya imkanlarının təşviqi məqsədilə birgə tədbirlər təşkil edə bilər.

Forumda çıxış edən Azərbaycanın Gürcüstandakı səfiri Dursun Həsənov bildirib ki, iki ölkə arasında iqtisadi əlaqələr yüksək səviyyədədir: “Hər iki ölkənin iqtisadiyyat nazirlərinin bu yaxınlarda həyata keçirilən qarşılıqlı səfərləri bu münasibətlərin inkişafına təkan verib”.

Səfir bugünkü biznes forumun iki ölkə arasındakı iqtisadi əməkdaşlıq və iş adamları arasında əlaqələrin intensivləşməsinə dəstək verəcəyinə ümidvar olduğunu deyib.

Report

Digər xəbərlər