Azərbaycanlı yazıçı Dərya Hodainin yazdığı nağıllar kitabı ABŞ-da bestsellerə çevrilib.
FED.az xəbər verir ki, İrandan bu ölkəyə mühacirət etmiş Azərbaycan türkü Dərya Hodain “Jirtdan”s Halloween” (Cırtdanın Helloini) kitabı sentyabr ayında “Amazon” onlayn satış platformasında birinci yeri tutub. Balaca oğlanın və yoldaşlarının “Disneylənd”dəki sərgüzəştlərinin qələmə alındığı kitab «Amazon»da 12 dollara satılır.
İxtisasca əczaçı olan iki uşaq anası ABŞ-a 6 il əvvəl köçüb və multikultural kitab yazıb.
ABŞ-ın https://coralspringstalk.com xəbər portalında Dərya Hodainə həsr olunmuş “Koral-Sprinqsdəki uşaq kitabları müəllifi Hellouin haqqında bestseller nağılı dərc edib” sərlövhəli məqalə yerləşdirilib.
Məqalədə qeyd edilib ki, Dr. Dərya Hodainin multikultural dəyərlərdən bəhs edən
Azərbaycan türkü olaraq İranda doğma dildə təhsil ala bilmədiyinə diqqəti cəlb edən Dərya xanım bildirib ki, 6 il öncə Birləşmiş Ştatlara köçdükdən sonra Azərbaycan mədəni irsinə bu ölkədə marağı hiss edib. Dərya Hodainin növbəti kitabı “Heyvanlar haqqında maraqlı faktlar” adlanır. Oxucular tezliklə bu kitabı “Amazon” onlayn platforması vasitəsilə əldə edə biləcəklər.
