Azərbaycanın ayaqqabı istehsalçısı olan «Daimoni» şirkəti istehsalını dayandırıb.
Bu barədə FED.az-a şirkətin satış rəhbəri Səbuhi Səmədov bildirib. Onun sözlərinə görə, «Daimoni» artıq bir ilə yaxındır ki, fəaliyyət göstərmir: «şirkət dayanıb və işçilər buraxılıb». Satış rəhbəri bildirir ki, fabrikin dayanmasının səbəbi bazarda fabrikin məhsullarına tələbatın aşağı olması ilə bağlıdır.
Öz növbəsində tələbatın azalması ayaqqabıların qiymətinin baha olmasının nəticəsidir. Qeyd edək ki, «Daimoni» istehsalı olan ayaqqabinın cütünün qiyməti 45 manatdan başlayaraq 150 dollaradək yüksəlirdi. Şirkət bu qiymətləri ayaqqabının istehsalı zamanı keyfiyyətli materiallardan, o cümlədən xaricdən gətiriən dərilərdən istifadə olunması ilə izah edirdi.
Amma yerli alıcıların marağının az olması səbəbindən şirkət hələ 2015-ci ildən sonra 150 dollarlıq ayaqqabıların istehsalını dayandırmışdı. Amma sonradan 45 manatlıq ayaqabıların da satışı dayanıb.
Şirkət nümayəndəsi bildirib ki, indi əhali daha çox yerli sexlərdə istehesal edilən qiyməti 22-25 manatdan başlayan ayaqqabılara maraq göstərir.
Azərbaycanın məşhur şirkəti işini dayandırıb
12:27
24 Sen 2018
