Azərbaycanlı investorlar ABŞ-ın ən məşhur şou-biznes mərkəzlərindən olan Las-Vegas şəhərində restoran açıblar.
FED.az xəbər verir k, bir neçə gün əvvəl fəaliyyətə başlayan restoran «Nukha» - (Nuxa – Şəki şəhərinin qədim adı) adlanır.
«Nukha» restoranı Las-Vegasın mərkəzində, Las Vegas Bulvarında Şəhər Meydanında yerləşir. Şəhər Meydanı dünyanın hər yerindən gələn qonaqlar üçün əsas əyləncə məkanıdır.
«Nukha» restoranı azərbaycanlı investorun vəsait hesabına azərbaycanlı restoran menecerləri tərəfindən qurulub. Restoranın açılması üçün Azərbaycandan Las-Vegas-a «qastronomik desant» atılıb.
«Nukha» restoranındakı komandaya Elşən Əliyev və Bakının bir sıra məşhur restoranlarında baş menecer olaraq çalışmış Mütəllim Əlişanov rəhbərlik edir. Xatırladaq ki, Mütəllim Əlişanov Bakıda «SAHiL bar & restaurant» və «Pasifico - Lounge & Dining»ə rəhbərlik edib.
Restoranın investoru və sahibi isə Azərbaycanda tanınmış iş adamı, Bakınan restoran biznesində məşhur olan Ramin Hacıyevdir. O Bakıdakı «Beerbaşa», «Nakhchivan», «Paul Azerbaijan» və «Köfteci Ramiz» restoranının, eləcə də Moskvadakı «Peach» restoranının sahibidir.
«Nukha» restoranı Azərbaycan şəhərinin adını daşısa da, Türk restoranı kimi fəaliyyət göstərri, burada türk və Aralıq dənizi mətbəxi təqdim edilir. Bu özünü həm yeməklərdə həm də desertlərin tərkibində göstərir. Məsələn menyuda məşhur Şəki halvası yoxdur.
«Nukha» - yüksək keyfiyyətlə hazırlanmış ləzzətli Aralıq dənizi yeməkləri, xüsusi kokteyllər və premium qəlyanlardan ibarət restoran və loungedir – deyə restoranın təqdimatında bildirilir.
Burada terras, canlı ifaları və DJ musiqiləri olur. «Nuxa» korporativ tədbirlər, özəl günləri qeyd etmək, həmçinin idman yarışları və televiziya verilişlərini izləmək üçün rahat məkandır.
