Banner

Biznes

Yeni qənnadı fabriki tikilir - 120 İŞ YERİ

Yeni qənnadı fabriki tikilir - 120 İŞ YERİ | FED.az
09:08 19 İyun 2020

Azərbaycanın cənub bölgəsində yeni qənnadı fabriki inşa edilir.

Eləcə də bax: Yeni fabrikdə gün ərzində 140 min tibbi maska - İSTEHSAL OLUNACAQ

FED.az xəbər verir ki, yerli sahibkar İlham Nurəliyevin rəhbərlik etdiyi "NUR” ASC tərəfindən Lənkəran şəhərində tikilən fabrik ən müasir texnologiya ilə qənnadı məhsulları istehsal edəcək.

Layihə dəyəri 4 milyon manat təşkil edən fabrik üçün 0,5 hektar ərazidə ümumi tikinti sahəsi 5 min kvadratmetr olan 4 mərtəbəli bina tikilib. Binanın birinci mərtəbəsi və zirzəmisi anbar, saxlama kameraları üçün nəzərdə tutulmuşdur. İkinci və üçüncü mərtəbələr istehsalat sahəsi, dördüncü mərtəbədə inzibati otaqlar yerləşəcəkdir.

Braziliya, Türkiyə və Rusiya istehsalı olan ən müasir avadanlıqlarla təchiz ediləcək fabrikin illik istehsal gücü 1500-1800 ton olacaq. Fabrikdə 120 nəfər qənnadı ustası və texniki işçi yüksək maaşlı daimi işlə təmin ediləcək. Hazırda fabrikin qarşısındakı ərazidə abadlaşma və yaşıllaşdırma işləri görülür.

Digər xəbərlər

Banner