Gürcüstandan Azərbaycana məhsul idxalı azalıb. FED.az xəbər verir ki, bunu Dövlət Gömrük Komitəsinin açıqladığı statistika deməyə əsas verir. Əvəzində isə Azərbaycandan Gürcüstana ixrac artıb.
Belə ki, ötən ilin yanvar-iyun ayı ilə müqayisədə bu il Azərbaycanın Gürcüstandan idxal etdiyi malların dəyəri 15.93% azalaraq 32 386.47 min dollar təşkil edib.
Ötən ilin birinci yarısı ilə müqayisədə isə Azərbaycandan ixrac olunan malların dəyəri 15.18% artaraq 316 233.87 min dollar təşkil edib.
Məlumat üçün bildirək ki, bu ilin birinci yarısında Azərbaycanın xarici ölkələrlə ticarət dövriyyəsi 16 994.66 mln dollar olub ki, bu da ötən ilin eyni dövrü ilə müqayisədə 27,6% çoxdur.
Azərbaycandan Gürcüstana ixrac olunan mallar artıb
16:55
17 İyul 2019
