Bu il yanvarın 1-nə olan məlumata görə, ölkədə vergi ödəyicilərinin sayı 970 340 nəfərə çatıb.
FED.az xəbər verir ki, bunu Vergilər Nazirliyinin Dövlət qeydiyyatı və uçota nəzarət departamentinin baş direktoru Ələkbər Məmmədov deyib.
Nazir lik rəsmisi bildirib ki, bunların 125 min 144-ü hüquqi şəxs, 845 196-sı isə fiziki şəxsdir: “Bilirsiniz ki, hüquqi şəxsləri dövlət qeydiyyatına alınması Azərbaycan Vergilər Nazirliyinə tapşırılıb. Əvvəllər bu yalnız "bir pəncərə" sistemi ilə həyata keçirilirdi. 2017-ci ildən isə biz həm də elektron şəkildə hüquqi şəxsləri qeydiyyata almağa başladıq.
Təkcə onu deyim ki, ötən il 11 min kommersiya hüquqi şəxs qeydiyyata alınıb ki, onların da 70%-i elektron şəkildə həyata keçirilib".
Eləcə də bax: 40 dolları 10 milyon dollara çevirənlər – BİR BANKİR BÜTÖV ŞƏHƏRİ NECƏ MİLYONÇU ETDİ?
Ə.Məmmədov kommersiya hüquqi şəxslərin qeydiyyatı prosedurunun daha sa sadələşdiriləcəyini qeyd edib: "Bilirsiniz ki, bir müddət əvvəl “Doing Business 2019” hesabatı açıqlandı. Bu hesabatda "biznesə başlama" indikatoru üzrə biz 18-ci pillədən 9-cu pilləyə qalxmışıq. Hazırda cəmi 18 manata 3 prosedur həyata keçirməklə biznesə başlamaq olur.
Amma biz istəyirik ki, bu prosedurların sayını 1-ə endirək. Yəni, artıq FİN kod vasitəsi ilə heç bir “Asan imza”, yaxud “Elektron imza” almadan qeydiyyat həyata keçiriləcək".
