Banner

Biznes

Azərbaycanda qızıl hasil edən şirkət 100 milyon dollarıdan çox - GƏLİR GÖZLƏYİR

Azərbaycanda qızıl hasil edən şirkət 100 milyon dollarıdan çox - GƏLİR GÖZLƏYİR | FED.az
19:27 11 Mart 2020

Azərbaycanda qiymətli metalların hasilatı ilə məşğul olan Böyük Britaniyanın “Anglo-Asian Mining” şirkətinin 2020-ci ildə gəlirləri qiymətli metalların hazırkı qiymətlərində 100 mln. ABŞ dollarını ötəcək. 

Eləcə də bax: "Qızılın bahalaşması "AzerGold”a əlavə - MƏNFƏƏT GƏTİRƏCƏK"

FED.az “report”a istinadən xəbər verir ki, bu barədə şirkətin açıqladığı proqnozlarda göstərilib.

Məlumata görə, cari ildə şirkətin istehsal gücü 75-80 min unsiya (qızıl ekvivalenti) arasında dəyişəcək. 2019-cu ildə isə bu rəqəm 81 399 unsiyaya bərabər olub.

Hər unsiyanın qiyməti qızıl üzrə 1 480 ABŞ dolları, gümüş üzrə 17 dollar proqnozlaşdırılır. Bundan əlavə misin isə hər tonu 5 700 ABŞ dolları olaraq götürülüb.

Bu il 65-67 min unsiya qızıl, 2 200-2 400 ton mis istehsalı proqnozlaşdırılır.  2019-cu ildə 70 098 unsiya qızıl,  2 210 ton mis istehsal edilib.

Xatırladaq ki, “Anglo-Asian Mining” Azərbaycanda 1997-ci il avqustun 21-də imzalanmış PSA (Production Sharing Agreement/Hasilatın Pay Bölgüsü) tipli müqavilə çərçivəsində hasilatla məşğul olur. Müqavilədə Azərbaycanın payı 51%, "Anglo-Asian Mining Plc." şirkətinin payı 49% təşkil edir. İlk qızıl hasilatına ("Gədəbəy" yatağında) 2009-cu ildə başlanılıb.

“Gədəbəy” bir-birinə inteqrasiya olunmuş mədənləri olan açıq mədəndir. Şirkət ərazidə yerləşən “Qadir” və “Gədəbəy” yatağından 50 km aralıdakı “Qoşa” yeraltı mədənində, yeni kəşf olunan "Uğur" yatağında da hasilatla məşğuldur.

Digər xəbərlər

Banner