Azərbaycanda Dünya Bankının dəstəyi ilə «Məşğulluğa Dəstək Layihəsi» üzrə 2022-ci il üçün müraciətlərin qəbuluna başlanılıb.

FED.az xəbər verir ki, Əmək və Əhalinin Sosial Müdafiəsi Nazirliyi və Dünya Bankının birgə icra etdiyi «Azərbaycanda məşğulluğa dəstək» layihəsinə qoşulmaq üçün 2022-ci il üzrə vətəndaşların müraciətlərinin qəbuluna başlanıb.

İşsizlərə biznes qurmaq üçün təklif olunan sahələr arasında olduqca maraqlı və gəlirli variantlar, o cümlədən - gözəllik salonları, dönərxana, avtoelektrik xidmətləri, istixana biznesi, çatdırılması xidməti,PVC qapı və pəncərə istehsalı və sair sahələr var.

Nazirlik bildirir ki, layihə qabaqcıl beynəlxalq təcrübəyə əsaslanır. Bu zaman işsiz kimi qeydiyyatda olan şəhid ailəsi üzvləri, Vətən müharibəsi əlilləri,  keçmiş məcburi köçkünlər, ünvanlı sosial yardım alanlar, qadınlar, gənclər və digər kateqoriyalardan olan şəxslərə üstünlük verilir.

   “Azərbaycanda məşğulluğa dəstək” layihəsi çərçivəsində aşağıda qeyd olunan istehsal və xidmət sahələri üzrə də kiçik bizneslərin qurulmasına dəstək göstərilir:

Layihədə iştirak etmək üçün www.e-sosial.az  portalında “Məşğulluq” altsistemi vasitəsilə, Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyinin saytında yerləşdirilən “Layihələr üzrə müraciət forması”nı doldurmaqla, (https://docs.google.com/forms/d/e/1FAIpQLSeDl538oxiQUw1WxvKDB-CRF61efuHjjyobKsip9eI_bWrbpw/viewform) və ya  Bakı şəhəri üzrə DOST Mərkəzlərinə, rayonlar üzrə isə Ərazi Məşğulluq filiallarına müraciət edərək qeydiyyatdan keçmək mümkündür.