Azərbaycanda qeyri-dövlət sektorunda işləyənlərin sayı ilk dəfə olaraq ölkədə bütün işləyənlərin 50%-nə yaxınlaşıb.

FED.az xəbər verir ki, 2023-cü ilin əvvəlinə olanməlumata görə, qeyri-dövlət sektorunda işləyənlərin sayı bütün işləyənlərin 47%-ni keçib.

Son 5 ildə qeyri-dövlət sektorunda işləyənlərin (rəsmi əmək müqaviləsi ilə ) sayında 200 min nəfərədək artım baş verib.

Belə ki, 2018-ci il yanvarın 1-i vəziyyətinə ölkə iqtisadiyyatında 1 milyon 521,3 min nəfər çalışıb, bundan 880,1 min nəfəri dövlət sektorunda, 641,2 min nəfəri qeyri-dövlət sektorunda işləyib.

2019-cu il yanvarın 1-i vəziyyətinə ölkə iqtisadiyyatında 1 milyon 548,9 min nəfər çalışıb, bundan 883,9 min nəfəri dövlət, 665 min nəfəri isə qeyri-dövlət sektorunda çalışıb.

2020-ci ilin yanvarın 1-i vəziyyətinə ölkə iqtisadiyyatında 1 milyon 645,4 min nəfər çalışıb, bunardan 914,5 min nəfər dövlət, 730,9 min nəfər qeyri-dövlə sektorunda çalışıb.

2021-ci ilin yanvarın 1-i vəziyyətinə ölkə iqtisadiyyatında 1 milyon 691,8 min nəfər çalışıb, bunlardan 910,8 min nəfər dövlət, 781 min nəfər qeyri-dövlə sektorunda çalışıb.

2022-ci ilin yanvarın 1-i vəziyyətinə ölkə iqtisadiyyatında 1 milyon 705,1 min nəfər çalışıb, bunlardan 904,7 min nəfər dövlət, 800,4 min nəfər qeyri-dövlət sektorunda çalışıb.

2023-cü ilin yanvarın 1-i vəziyyətinə ölkə iqtisadiyyatında 1 milyon 733,9 min nəfər çalışıb, bunlardan 903,3 min nəfər dövlət, 830,6 min nəfər qeyri-dövlət sektorunda çalışıb.

2023-cü ilin martın 1-i vəziyyətinə ölkə iqtisadiyyatında 1 milyon 715,8 min nəfər çalışıb, bunlardan 901 min nəfər dövlət, 814,8 min nəfər qeyri-dövlət sektorunda çalışıb.