"Coca-Cola İçecek A.Ş. (CCI)" "The Coca-Cola Company (TCCC)" markalarından ibarət olan qazlı və qazsız içkilərin istehsalı və satışını həyata keçirir. CCI şirkəti Türkiyə, Pakistan, Qazaxıstan, Azərbaycan, Qırğızıstan, Türkmənistan, İordaniya, İraq, Suriya və Tacikistanda fəaliyyət göstərir. "Azərbaycan Coca-Cola Bottlers" MMC "Coca-Cola İçecek A.Ş. (CCI) şirkətinə bağlıdır.
FED.az "Coca-Cola İçecek AŞ"yə istinadən xəbər verir ki, ötən il şirkətin Orta Asiyada cəmi satışları, Qazaxıstan və Azərbaycandakı güclü satışlar ilə əlaqədar olaraq 7 faiz artıb.
Maliyyə böhranından sonra Qazaxıstanda satışlar 17,5% artım ilə indiyə qədərki ən yüksək rəqəmə çatıb.
Regionda ən böyük ikinci bazar olan Azərbaycanda isə, qazlı içkilər kateqoriyasında güclü artım ilə cəmi satışlar 27,2 faiz artım qeyd edib. Türkmənistanda satış həcmi isə, makroiqtisadi mühitdəki yavaşlama və digər problemlər ilə bağlı olaraq 45,8 faiz geriləyib.
Ötən ilin son rübündə isə şirkətin Azərbaycanda satış həcmi 34,7 faiz artım qeyd edib.
Ötən il "Coca-Cola İçecek AŞ"nin cəmi satışları 4,1 faiz artıb. Şirkətin qazlı içkilər satışında 3,3 faiz, qazsız içkilərdə 8,5 faiz və çay kateqoriyalarında 20,9 faiz artıma nail olarkən, su kateqoriyasının satış həcmi 3,2% azalıb. Türkiyə əməliyyatlarının ümumi satış həcmi içindəki payı 2016-ci ildə 51 faiz olduğu halda, 2017-ci ildə 50% olaraq reallaşıb.
@Marja
