Azərbaycanda sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi ilə bağlı yeni qaydalar müəyyənləşir.
Yoxlama zamanı sahibkarın fəaliyyəti bütövlükdə dayandırılmayacaq - SİYAHI
FED.az xəbər verir ki, “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanun layihəsi Milli Məclisin mayın 31-də keçirilən iclasının gündəliyinə daxil edilib.
İkinci oxunuşda təqdim olunan sənədə əsasən, “Yoxlama obyekti”nin anlayışı və onun əhatə dairəsi müəyyənləşir. Qanun layihəsində nəzərdə tutulan yanaşma yoxlama obyektinin hər hansı biri üzrə yoxlama aparıldıqda, sahibkarın fəaliyyətinin bütövlükdə dayandırılmamasına imkan verəcək.
Qanun layihəsinə əsasən, yoxlamaların məqsədləri üçün nəzarət sahəsindən asılı olaraq sahibkarın məcburi tələblər müəyyən edilən malların təqdim olunması, işlərin görülməsi və xidmətlərin göstərilməsi üzrə fəaliyyəti, sahibkarlıq fəaliyyəti ilə əlaqədar sahibkarın mülkiyyət hüququ ilə və digər qanuni əsasla sahiblik etdiyi və məcburi tələblər müəyyən edilən əmlakı (o cümlədən sahə, istehsal sahəsi), habelə sahibkarın struktur bölməsi, sahibkara məxsus və məcburi tələblər müəyyən edilən mallar, işlər, xidmətlər və yaxın qohum - ər-arvad, valideynlər, uşaqlar, babalar, nənələr, nəvələr, doğma və ögey qardaşlar və bacılar, övladlığa götürənlər, övladlığa götürülənlər yoxlama obyekti ola bilərlər.
Qanun layihəsi ikinci oxunuşda səsverməyə çıxarılaraq qəbul edilib.
