Banner

Biznes

18 yaşına çatmayanlara enerji içkisi - SATIŞI QADAĞAN EDİLİB

18 yaşına çatmayanlara enerji içkisi - SATIŞI QADAĞAN EDİLİB | FED.az
10:30 1 Yan 2020

Bu gündən Azərbaycanda “Enerji içkilərinə dair müvəqqəti sanitariya normaları və qaydaları” qüvvəyə minir.

FED.az xəbər verir ki, ölkə ərazisində enerji içkilərinin istehsalı və idaxlı müvafiq norma və qaydalara uyğun olaraq tənzimlənəcək.

"İstehsalı azaldıb, ixtisar edəcəyik" – YÜKSƏK VERGİNİN İLK ZƏRBƏSİ

Tələblərə cavab verməyən məhsulların ölkəyə idxalına və istehsalına qadağa qoyulub. 

Azərbaycan Qida Təhlükəsizliyi Agentliyi (AQTA) enerji içkilərinə dair yeni qaydalar hazırlayıb. Bu qaydalar tərkibində insanın mərkəzi sinir sisteminə stimullaşdırıcı və ya antisedativ təsir göstərən enerji içkilərinə şamil edilir.

Vergi Məcəlləsidə nə dəyişdi? – 100 SUAL - 100 CAVAB – TAM MƏTN

Tələblərə əsasən, kofein, taurin, qlükoronolakton, inozitol, amin turşuları, B qrupu vitaminlər, quarana, maça kökü, yerba mate, jenşen, dəniz yosunu, şizandra, eleuterokokk, ginkgo biloba kimi bitkilərin ekstraktlarının ən azı 2-i içkinin təkibində varsa, həmin içki enerji içkisi hesab olunur.

Tərkibində bu komponentlərdən yalnız kafein istifadə edilərsə, onun miqdarı 15 mq/100 ml-dan artıq olduqda həmin içkilər də enerji içkisi sayılır. Enerji içkilərinin 100 ml-də kofeinin maksimum miqdarı 32 mq, taurin maksimum miqdarı 400 mq, inozitol 20 mq, qlükoronolakton 250 mq, kreatinin maksimum miqdarı isə 1 mq müəyyən edilib.

Enerji içkilərinin istehsalında hər hansı növ etil spirtinin istifadəsinə yol verilmir. Sənəddə göstərilir ki, bu içkilərin tərkibində karbohidratların kütlə payı 11%-dən, qablaşdırma vahidində məhsulun həcmində yol verilən mənfi kənaraçıxmalar isə 3%-dən artıq olmamalıdır. Enerji içkiləri 0°C – 18°C temperaturda daşınmalı və saxlanmalıdır.

Enerji içkisi istehsalçıları və idxalçıları - DÖVLƏT AGENTLİYİNƏ ÇAĞIRILIB

Enerji içkilərinin etiketlərində mütləq “enerji içkisi”, “tərkibində GMO yoxdur”, “Alkoqol ilə qarışdırılaraq və ya birlikdə istifadə edilməməlidir", “18 yaşdan aşağı şəxslərə satışı qadağandır”, "Yaşlılara, hamilə və süd verən qadınlara, diabetdən, ürək fəaliyyətinin pozuntusundan, böyrək çatışmazlığından, hipertonik xəstəliklərdən, sinir oyanıqlığından, yuxusuzluqdan əziyyət çəkən şəxslərə, metabolizm problemi olan insanlara istifadəsi tövsiyə olunmur”, “Gündəlik olaraq 500 ml-dən çox istifadə olunması tövsiyə edilmir” yazıları qeyd edilməlidir.

Enerji içkisi bazarını yaradan adam: Dietrich Mateschitz

Yeni qaydalar təbii çay, qəhvə, habelə təbii çay və qəhvə ekstraktı əsasında hazırlanan alkoqolsuz içkilərə, eləcə də idmançılar üçün nəzərdə tutulan xüsusi içkilərə şamil olunmur.

Digər xəbərlər

Banner