Banner

Biznes

Azərbaycan şirkəti logistika habının ötürmə qabliyyətini artırmağı - PLANLAŞDIRIR

Azərbaycan şirkəti logistika habının ötürmə qabliyyətini artırmağı - PLANLAŞDIRIR | FED.az
12:16 5 Dek 2019

Azərbaycanın “KDY Logistics”şirkəti Həştərxan logistika habının ötürmə qabliyyətinin illik 1 milyona tona qədər artırmağı planlaşdırır.

FED.az xəbər verir ki, bu barədə şirkətin Direktorlar Şuarsının sədri Qalib Məmmədov işgüzar görüş zamanı Həştərxan vilayətinin qubernatoru İqor Babuşkinə məlumat verib.

Eləcə də bax: Bakı Limanı Avropanın aparıcı logistika qovşağı ilə əməkdaşlığa başlayıb

“Həştərxan vilayətinin qubernatoru İqor Babuşkin “KDY Logistics”şirlətinin Direktorlar Şuarsının sədri Qalib Məmmədovu qəbul edib. Onlar regionun nəqliyyat infrastrukturu, xüsusilə Kutum stansiyasında yaradılan dəmir yolu logistika habının inkişafı perspektivlərini müzakirə ediblər. Məmmədov bildirib ki, şirkət habın tam gücü ilə fəaliyyət göstərməsi üçün səy göstərir. Hazırda hab vasitəsilə yüklərin İrandan Türkiyə və Həştərxan vilayətinə və geriyə tədarükü təşkil olunub. Özbəkistanla intensiv danışıqlar aparılır. Şirkətin planlarına habın ötürmə qabiliyyətinin illik 1 miyon tona çatdırılması daxildir”, - Həştərxan vilayətinin saytında məlumat verilir.

Məlumatda qeyd olunur ki, logistika mərkəzi “Şimal-Cənub” beynəlxalq nəqliyyat dəhlizinin mühüm halqalarından birinə çevriləcək.

“Sevindirici haldır ki, bu gün layihəmizn Həştərxan vilayətinin iqtisadiyyatına müəyyən töhfə verir. Sizin nəqliyyat mərkəzinizin gələcəkdə inkişafı üçün şəraitin yaradılması yük daşımaları həcminin illik 1 milyon tonadək artmasına imkan verəcək. Biz bu istiqamətdə bütün zəruri dəstəyi göstərəcəyik”, - Babuşkin bildirib.

Xəbər verildiyi kimi, Azərbaycanın “KDY Logistics”şirkəti tez xarab olan meyvə-tərəvəzin tədarükü məqsədilə Həştərxan vilayətində logistika mərkəzinin yaradılmasına 2 milyard rubldan artıq vəsait yatıracaq.

“KDY Logistics”in saytına əsasən, şirkət 2017-ci ildə yaradılıb. Baş ofisi Bakı şəhərində yerləşən şirkətin Rusiya, Gürcüstan, Qazaxıstan, Türkiyə və İranda nümayəndəlikləri var. “KDY Logistics” şirkəti yüklərin dəmir yolu ilə daşınması xidmətləri göstərir. Transxəzər Beynəlxalq Nəqliyyat Marşrutu, “Şimal-Cənub” nəqliyyat dəhlizi və Bakı-Tbilisi-Qars dəmir yolu xətti şirkət üçün prioritet istiqamətlərdir.

Eləcə də bax: Azərbaycan holdinqi Moskvada avtobazar ilə ticarət-anbar - KOMPLEKSİ ALIB

"İnterfaks-Azərbaycan"

Digər xəbərlər

Banner