Cari ilin ilk 7 ayında Azərbaycan xaricə 37,8 milyon ABŞ dolları dəyərində çiyələk ixrac edib.
FED.az xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nda qeyd olunur.
Bu göstərici, 2024-cü ilin eyni dövrü ilə müqayisədə 12,6 milyon dollar və ya təqribən 50% artım deməkdir.
Məlumat üçün bildirək ki, 2024-cü ilin yanvar-iyul aylarında Azərbaycan 25,2 milyon dollar dəyərində çiyələk ixrac etmişdi.
İyun ayında isə 10,8 milyon dollar dəyərində çiyələk ixrac edilib ki, bu da ötən ilin iyul ayındakı 2,7 milyon dollar dəyərindəki göstəricidən 8,1 milyon dollar (təqribən 4 dəfə) çoxdur.
