Banner
Banner

Biznes

ASK: Son 2 ildə ölkədə quş əti istehsalı azalıb - İdxal Kəskin Artıb

ASK: Son 2 ildə ölkədə quş əti istehsalı azalıb - İdxal Kəskin Artıb | FED.az
17:49 13 Yan 2021

Azərbaycan Sahibkarlar Konfederasiyasının (ASK) təşkilatçılığı ilə ölkədə quşçuluğun inkişafı mövzusunda video-konfrans keçirilib.

Eləcə də bax: Məmməd Musayev İran səfirini - Qəbul Edib

FED.az ASK-a istinadən xəbər verir ki, tədbirdə qurumun prezidenti Məmməd Musayev, Kənd Təsərrüfatı naziri İnam Kərimov, Azərbaycan Quşçular Cəmiyyətinin sədri Aydın Vəliyev və quşçuluq şirkətlərinin rəhbərləri iştirak ediblər.

M.Musayev bildirib ki, bu il Azərbaycanda böyük quruculuq ilidir və iqtisadi inkişafla bağlı Prezident İlham Əliyevin rəhbərliyi ilə həyata keçirilən fəaliyyətlərdə özəl sektor, sahibkarlar da fəal iştirak edəcəklər: "Ölkəmizin ərzaq təhlükəsizliyi, daxili istehsal hesabına özünü təmin etməsində böyük irəliləyişlər var. Qida zəncirində mühüm həlqələrdən biri də quş əti və yumurta ilə təminatdır".

“Azərbaycan yumurta ilə özünü tam təmin edir, quş ətində isə 25% idxaldan asılılıq qalır. Hesab edirəm ki, quş ətinə olan daxili tələbatı da təmin etməyə imkan verən potensial mövcuddur və ASK bu sahədə Türkiyə təcrübəsinin öyrənilməsində iş adamlarına geniş dəstək verir”, - deyə Konfederasiya prezidenti qeyd edib.

İ.Kərimov isə Azərbaycanın quşçuluq sənayesində rəqabət qabiliyyətini yüksəltmək, bu sahədə dövlətin tənzimləmə mexanizmləri barədə fikirlərini iştirakçılarla bölüşüb. Eyni zamanda, Nazir ölkəmizdə quşçuluq sənayesinin inkişafı üçün sahibkarlarla dialoqu davam etdirəcəyini bildirib.

Qida Təhlükəsizliyi Agentliyinin sədri Qoşqar Təhməzli isə bu sahədə fəaliyyət göstərən sahibkarların qaldırdıqları bəzi məsələlərə aydınlıq gətirib. O, ölkə iqtisadiyyatının inkişafı, milli sahibkarların dəstəklənməsi istiqamətində görülən işlərdən danışıb. Agentlik sədri Azərbaycanda quşların pərakəndə satışının epizodik vəziyyətə təsiri, zəif patogen quş qripinə qarşı vaksinasiya ilə bağlı gələcəkdə həyata keçiriləcək tədbirlər, quşçuluq müəssisələrinin idarə olunmasında mövcud olan nöqsanları tədbir iştirakçılarının diqqətinə çatdırb və bu istiqamətdə agentliyin mütəxəssisləri tərəfindən sahibkarlara peşəkar dəstəyin bundan sonra da davam etdiriləcəyini bildirib.

ASK-nın vitse-prezidenti Zakir Əzimov son 2 ildə quş əti istehsalının 10 min ton azalmasına diqqət çəkərək, xaricdən idxalın 38 min tona qədər artdığını bildirib. Eyni zamanda, soya yağlarının bahalanmasının məhsulun maya dəyərinin yüksəlməsinə, Rusiya və Ukraynadan idxal olunan quş əti məhsulları ilə rəqabətdə yaranan vəziyyət müzakirə edilib.

Müzakirələr nəticəsində M.Musayevin sədrliyi ilə işçi qrup yaradılıb və sahibkarlardan toplanan təkliflər əsasında bir həftə ərzində hökumətə və müvafiq qurumlara müvafiq təkliflər paketinin təqdim edilməsi qərara alınıb.

Banner

Digər xəbərlər