Araz Supermarketlər şəbəkəsindən FED.az-a verilən məlumatda bildirilir ki, Sumqayıt şəhəri, 9-cu mkr, Üzeyir Hacıbəyov küçəsi 23 ünvanında açılacaq, daxili sahəsi 2200 kvadrat metr olan bu market Araz Supermarketlər şəbəkəsinin ən böyük marketi olacaq. Əlavə olaraq marketin həyətyani sahəsində müştərilərin avtomobillərini rahat park etməsi üçün 100 yerlik pulsuz dayanacaq yeri nəzərdə tutulub.
Araz Supermarketlər şəbəkəsindən dedilər ki, yeni filialda meyvə və tərəvəz, ət və ət məhsulları, süt və süt məhsulları, qida, gigyenik vasitələr, məişət avadanlıqları, mətbəx ləvazimatları və digər bölmələr müştərilərin xidmətinə veriləcək. Müştərilər marketin daxilindəki “Xonça” un məmulatları bölməsindən müxtəlif növ şirniyyat və bulkular, tortlar, hazır yeməklər, isti təndir çörəyi və s. əldə edə biləcəksiniz. Marketdə kafe də fəaliyyət göstərəcək. Bu kafedə istifadəçilərə isti yeməklər təklif olunacaq. İstəyə görə, müştərilər bu yeməkləri qablaşdıraraq özləri ilə də apara biləcəklər. Araz marketdən bildirdilər ki, yeməklərin sifariş ilə ünvana çatdırılması xidməti də yaxın gələcək üçün nəzərdə tutulur.
Bildirilir ki, yeni marketin açılışı ilə əlaqədar endirim və kampaniyalar da olacaq. Belə ki, marketdən 100 manatlıq alış-veriş edən hər bir bonuskartlı müştəriyə Türkiyə istehsalı olan 26 sm-lik Akyıldız tava hədiyyə olunacaq. Açılışla əlaqədar endirim və kampaniyalar 14-15-16 noyabr tarixlərini əhatə edəcək. Endirim kampaniyaları haqqında ətraflı məlumatı http://arazmarket.az/aksiyalar/26 ünvanından və Araz Supermarketlərin rəsmi sosial şəbəkə hesablarından əldə edə bilərsiniz.
Qeyd edək ki, Araz Supermarketlər şəbəkəsinin bu ilin sonuna qədər İmişli, Şamaxı və Zaqatala rayonlarında da yeni filiallarının açılışı planlaşdırılır.
Xatırladaq ki, Sumqayıt şəhərində açılacaq bu filial ilə Araz Supermarketlər şəbəkəsinə daxil olan mağazaların sayı 67-yə yüksələcək.
