ABŞ-Azərbaycan Ticarət Palatası və Amerika-Gürcüstan Biznes Şurası birgə bəyanat yayıb.
FED.az xəbər verir ki, bəyanatda bu il aprelin 5-10-da həyata keçirilməsi nəzərdə tutulan ABŞ-dan Azərbaycana və Gürcüstana ticarət missiyasının yeni koronovirus (COVİD-19) səbəbindən qlobal sağlamlıq vəziyyətinin pisləşməsinə görə təxirə salındığı bildirilir.
Eləcə də bax: Tramp Avropadan ABŞ-a uçuşları - QADAĞAN ETDİ
Qeyd olunur ki, vəziyyətin gedişatı nəzərdə saxlanılacaq, bölgədəki korporativ iştirakçıların və yerli tərəfdaşların təhlükəsizliyinə əmin olunduğu vaxtda yeni tarix barədə məlumat veriləcək.
Qeyd edək ki, ABŞ şirkətlərinin Azərbaycan və Gürcüstana nəzərdə tutulan ticarət missiyası Birləşmiş Ştatların Ticarət Nazirliyi tərəfindən sertifikatlaşdırılıb və bu ölkənin Ticarət Xidməti ilə birgə həyata keçirilməsi nəzərdə tutulur.
Azərtac
