Nevzat Aydın 1976-cı ildə İstanbulda dünyaya gəlib. 1999-cı ildə Boğaziçi Universiteti Kompyuter Mühəndisliyi fakultəsindən məzun olub. Daha sonra magistr təhsili üçün ABŞ-a gedib. San Fransisko şəhərində müxtəlif ölkə mətbəxlərini daddıqca bunların sifariş yollarını araşdırıb və ağlına yemeksepeti kini bir sayt qurmaq gəlib.
24 yaşında öz işini qurur və səbr edir
Yemeksepeti fikiriylə Türkiyəyə qayıdan Nevzat Aydın 2001-ci ildə saytı yaradır və 24 yaşında öz işinin müdiri olur. 2 ortağı ilə saytı qurmaq üçün 150 min dollar xərcləyən Aydın, quruluş sərmayəsi üçün öz yığdığı vəsaitdən istifadə edir. Lakin yemeksepetindən pul qazanması dərhal reallaşmır. Bir neçə il işlərin böyüməsi və Türkiyədə internetin yayılması üçün səbrlə gözləyir. 5 il ərzində saytdan heç bir gəlir əldə edə bilmir.
Sayt uğur qazanır
İş modeli o qədər müvəffəqiyyətli olur ki Qızıl Hörümçək Web saytları yarışmasında 2004, 2005 və 2006-cı illərdə Türkiyənin “Ən Yaxşı Web Saytı” mükafatını üst üstə qazanır. Türkiyədə e-ticarət sahəsində investisiya edən şirkətlər arasına daxil olur.
Yemeksepeti böyüməyə davam edir
Yemeksepeti sifariş modeli əvvəl İstanbulda başlayır. Daha sonra Ankara və İzmirdə fəaliyyətə keçir. Yemeksepeti bir anda 650 restoran, 70 min stifadəçi, 5 milyon dollar gəlir kimi rəqəmlərə çatır. Bu yaxın gələcəkdəki böyük böyümənin də xəbərçisi olur.
Restoranlar üçün də fürsət yaranır
Yemeksepetini yaratdıqdan sonra ilk öncə bəzi restoranlardan mənfi reaksiyalar alan qrup, bir neçə il ərzində işlərini inadla davam etdirərək ciddi bir kütləyə çatmağı bacarır. Sonradan hətta Yemeksepetinə görə restoranlar quranlar da olur. Küçə arasında çox tanınmayan kiçik miqyaslı restoranlar, Yemeksepeti şəbəkəsinə daxil olan zaman yeni müştərilər qazanmaq şansı əldə edirlər.
Yemeksepetini satması
2015-ci ildə Aydın Nevzat Yemepsepeti şirkətini Delivery Hero adlı xarici bir şirkətə 589 milyon dollara satdı. 24 milyon dolları 140 işçi arasında paylaşdı. Şirkəti satmasına baxmayaraq hələ də yemeksepetində İdarə Heyətinin başçısı kimi fəaliyyət göstərir.
Toyu ilə medyada səs-küyə səbəb oldu
Aydın 2011-ci ildə Xorvatiyanın Dubrovnik şəhərində Vogue jurnalının redaktoru Melis Pekand ilə evlənib. Aydının bu toya xüsusi təyyarə kirayəyə götürərək qonaqlarını aparması o zamanlar mətbuatda səs-küyə səbəb olmuşdu.
