Dünyanın kriptovalyuta bazarında bəzi koinlərin qiymətində kəskin bahalaşma qeydə alınıb. FED.az xəbər verir ki, bəzi kriptovalytalarda bahalaşma o qədər kəskin olub ki, kiçik məbləğ yatırmaqla böyük vəsait qazanmaq mümkün olub.
Belə ki, Etheera kriptovalyutası iki həftə ərzində 830 dəfə bahalaşıb. Oktyabrın sonunda İki həftə əvvəl kriptovalyutanın qiyməti $0,000015 olduğu halda noyabrın 13-də $0,012459-a qalxıb.
Başqa sözlə, iki həftə əvvəl bu valyutaya 10 dollar yatıran istifadəçilər indi 8300 dollara sahib olublar.
Bu artım nəticəsində indiyədək tanınmayan Etheera (ETA)tokeni bazar kapitalizasiyasına görə, kriptovalyutaların ilk 100-lüyünə daxil olub.
Qeyd edək ki, Etheera (ETA) 2018-ci ilin birinci rübündə baraxılıb və CoinMarketCap- platformasına yalnız oktyabrda daxil olub.
Layihənin müəllifləri Etheera-nı daşınmaz əmlak sahəsində qlobal platformaya çevirmək niyyətindədirlər.
