Banner

Birja

Zakir Nuriyev: Banklarda 10 milyard manatlıq "ölü əmlak" var

Zakir Nuriyev: Banklarda 10 milyard manatlıq "ölü əmlak" var | FED.az
14:08 20 May 2019

"Bu günə qədər  Azərbaycanda maliyyə sektorunun qeyri-işlək aktivlərinin dəyəri 10 mlrd manat üzərindədir. Bu, bizim iqtisadiyyat üçün olduqca böyük yükdür".

FED.az xəbər verir ki, bunu Azərbaycan Banklar Asossiasiyasının (ABA) sədri Zakir Nuriyev bu gün Bakıda keçirilən "Məhkəmə-hüquq islahatlarının əsas istiqamətlərinin sahibkarlarla ictimai müzakirəsi" adlı tədbirdə bildirib. Onun sözlərinə görə, bu yükün ədalətli bir şəkildə həll edilməsi olduqca vacibdir.

Eləcə də bax: Azərbaycanda dollar kreditləri 10-11%-ə düşüb - AÇIQLAMA

Zakir Nuriyevin sözlərinə görə, bugünkü hərrac sistemi effektiv çalışmır. Bu hərrac sistemi hökmən elektron hərrac sistemi ilə əvəz edilməlidir. Bu həm şəffaflığın artırılmasına, həm də maksimum iştirakçıların müəyyən edilməsinə şərait yaradar, eyni zamanda iqtisadi dövriyyədən kənar olan real aktivlərin real dövriyyəyə cəlb olunmasına şərait yaradar. Çünki qeyd etdiyimiz 10 mlrd manat həcmində qeyri-işlək aktivlər həm bağlanmış bankların, həm fəaliyyətdə olan bankların balansında, eyni zamanda Beynəlxalq Bankın ötürülmüş aktivlərində mövcuddur.  ABA rəsmisnin sözlərinə görə, bunların daha şəffaf həll edilməsi üçün mütləq elektron hərrac sistemi yaradılmalıdır. Bu məsələyə təkcə hüquqi məsələsinin təkmilləşdirilməsi kimi deyil, həm də iqtisadi artımın elementi kimi baxmaq lazımdır. Hərracın yaradılması ilə biznesin üzərinə düşən yükün azaldılmasına nail olarıq”, -  deyə o vurğulayıb.

Digər xəbərlər

Banner