2025-ci ilin yanvar-mart aylarında “Xalq Kapital İnvestisiya Şirkəti” QSC-nin əməliyyatlarının dövriyyəsi 710 milyon manat təşkil edib ki, bu da ötən ilin müvafiq dövrü ilə müqayisədə 474,8 milyon manat və ya 3 dəfə çoxdur.
FED.az bu barədə Bakı Fond Birjasına istinadən xəbər verir.
Bildirilir ki, bu dövrdə investisiya şirkətinin korporativ istiqrazlar üzrə dövriyyə 1,1 milyon manat, repo əməliyyatları üzrə dövriyyə 709 milyon manat təşkil edib.
Əməliyyat sayı isə 80 olub.
Əvvəlki illə müqayisədə korporativ istiqrazlar üzrə dövriyyə 2,6 milyon manat (3,5 dəfə) azalıb, repo əməliyyatları üzrə dövriyyə 651 milyon manat (12,2dəfə) artıb.
Əməliyyat sayında isə 44 ədəd və ya 2,2 dəfə artım qeydə alınıb.
