UForex daima xidmətlərini təkmilləşdirməyə, investisiya prosesini hər bir müştəri üçün daha sadə və əlçatan etməyə davam edir.
FED.az xəbər verir ki, şirkətin bu istiqamətdə atdığı növbəti addım isə müştərilərin öz hesablarını rahat şəkildə idarə edə bilmələri üçün vahid platformanın yaradılması oldu.
Belə ki, artıq investorlar uforex.az saytında qeydiyyatdan keçərək, “Şəxsi kabinet” adlanan multifunksional platformadan istifadə edə biləcəklər.
“Şəxsi kabinet” vasitəsilə investorlar istənilən bankın AZN və USD kartları ilə hesablarına mədaxil edə biləcəklər. Həmçinin bir neçə UForex ticarət hesabını vahid interfeys üzərindən izləmək və platformanın veb-versiyası ilə rahat ticarət etmək mümkün olacaq.
Bunlarla yanaşı, müştərilər platformaya yerləşdirilən izahlı video-dərslərə baxmaqla öz biliklərini daha da zənginləşdirə biləcəklər. İstifadəçilər “Şəxsi kabinet” üzərindən iqtisadi təqvimi izləyə, investisiya dünyasındakı ən aktual xəbərlərdən məlumat ala və sahə üzrə maarifləndirici bloq yazılarını oxumaq imkanı əldə edəcəklər.
Bazarda 11 ildən artıqdır ki fəaliyyət göstərən UForex, yüksək xidmət sayəsində treyderlərin rəğbətini qazanmağı bacarıb. Şirkət müştərilərinə real vaxt rejimində “MT4” platforması üzərindən qızıl, gümüş, neft, valyuta cütlükləri kimi bir sıra maliyyə alətləri ilə qlobal bazarlarda ticarət edib qazanc əldə etmək imkanı yaradır.
Qeyd edək ki, UForex “Unicapital İnvestisiya Şirkəti”nin təqdim etdiyi xidmətlərdən biridir.
