Beynəlxalq fond bazarlarında bu günlərdə müşahidə olunan eniş dalğası texnoloji nəhənglərin səhmlərinə ciddi təsir edib. Son bağlanış nəticələri isə xüsusilə investorların gözləmədiyi dərəcədə mənfi olub.

Bu həftə səhmləri ən çox bahalaşıb-ucuzlaşan – 100 ŞİRKƏT, SİYAHI (31 mart - 4 aprel)

FED.az xəbər verir ki, ən çox dəyər itirən şirkət Tesla olub – səhmin qiyməti 10,42% ucuzlaşaraq 239,43 dollara qədər geriləyib. Bu, təkcə gün ərzində deyil, son həftələrin də ən kəskin geriləmələrindən biri sayılır. Tesla-nı Visa (-7,74%), NVIDIA (-7,36%), Apple (-7,29%) və Berkshire Hathaway (-6,91%) kimi iri korporasiyalar izləyib. 

Apple səhmləri də 7,29% ucuzlaşaraq 188,38 dollara enib – bu isə texnologiya sektorunda ümumi zəifliyin göstəricisidir. Eyni zamanda, Meta Platforms 5,06%, Amazon 4,15%, Johnson & Johnson 4,12%, Microsoft 3,56% və Alphabet (Google) isə 3,20% dəyər itirib.

Ən diqqətçəkən məqamlardan biri isə cədvəldə yer alan heç bir şirkətin səhminin bahalaşmaması olub. Bu, bazarın bütövlükdə “qara”ya büründüyünü sübut edir.

Ümumilikdə, bu tendensiya qlobal iqtisadiyyatda gözlənilən makro-iqtisadi siqnallar, faiz dərəcələrinin gələcək səviyyəsi və mərkəzi bankların qərarları ilə bağlı qeyri-müəyyənlik fonunda baş verir. 

Daha detallı aşağıdakı cədvəldə :

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.