Samsung Electronics şirkətinin səhmləri kəskin bahalaşıb. Bu, Cənubi Koreyanın texnologiya nəhənginin səhmdarları sevindirmək üçün 7 milyard dollardan çox dəyərində səhmləri geri almaq planını açıqlaması ilə bağlıdır.  

“Samsung” səhmlərinin geri alınmasına 7,2 milyard dollar xərcləyəcək

FED.az xəbər verir ki, şirkət cümə günü gecə bildirdi ki, gələcək 12 ay ərzində səhmlərin dəyərinin artırılması məqsədilə 10 trilyon von (7,17 milyard dollar) həcmində səhmləri mərhələli şəkildə geri alacaq. Bu açıqlama ilə səhmlər bazar ertəsi səhəri 7,5% yüksəldi.  

Samsungun səhmləri, ölkənin əsas bazarının 17%-ni təşkil edən nəhəng bazar dəyərinə sahib olaraq, Koreyanın Kospi indeksini 2%-dən çox artırmağa kömək etdi.  

Şirkət bildirib ki, ümumi məbləğin 3 trilyon vonu, 50,14 milyon adi və 6,91 milyon imtiyazlı səhm şəklində, bazardan alınaraq 2025-ci il fevralın 17-dək ləğv ediləcək. Qalan 7 trilyon von üzrə qərar isə idarə heyəti tərəfindən daha sonra veriləcək.  

Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.